Геранім Праскі
Герані́м Пра́скі (1379; Прага, цяпер Чэхія — 1416; Канстанц, цяпер зямля Бадэн-Вюртэмбэрг, Нямеччына) — чэскі хрысьціянскі прапаведнік, сябар і аднадумца Яна Гуса.
Геранім Праскі | |
| чэск. Jeroným Pražský | |
 | |
| Род дзейнасьці | Выкладнік |
|---|---|
| Дата нараджэньня | 1379 |
| Месца нараджэньня | Прага, Чэскае каралеўства, Сьвятая Рымская імпэрыя |
| Дата сьмерці | 30 траўня 1416 |
| Месца сьмерці | Канстанц, Сьвятая Рымская імпэрыя |
| Прычына сьмерці | спаленьне[d] |
| Месца вучобы | |
| Занятак | тэоляг, філёзаф |
| Месца працы | |
Жыцьцяпіс
Нарадзіўся ў Багеміі, скончыў Праскі ўнівэрсытэт. З 1396 году працягваў навучаньне ў Оксфардзе, адкуль прывез у Прагу першыя багаслоўскія сачыненьні Ўікліфа. Пазьней працаваў у Гайдэльбэргу, Кёльне й Парыжы; у кожным з гэтых унівэрсытэтаў быў прызнаны герэтыком і вымушаны вярнуцца ў Багемію. Шмат вандраваў, падчас аднаго зь вяртаньняў на радзіму (1407) пасябраваў зь Янам Гусам.
У 1410 року была выдадзеная папская була супраць лістоў Ўікліфа, і на гэтай падставе Геранім Праскі быў арыштаваны ў Вене, аднак здолеў уцячы ў Маравію.
У 1413 годзе наведаў у Вільні вялікага князя літоўскага Вітаўта. Пасьля ў складзе ягонай сьвіты зьдзейсьніў падарожжа па паўночна-ўсходняй Беларусі дзеля распаўсюджаньня гусіцкага вучэньня, наведаўшы Віцебск і Пскоў.
Даведаўшыся пра працэс над Янам Гусам, у 1414 року накіраваўся на Канстанцкі сабор дзеля ягонай абароны. На просьбу сяброў, якія непакоіліся за ягонае жыцьцё, вырашыў вярнуцца дадому, аднак 20 красавіка 1415 быў арыштаваны ў Гіршаў і дастаўлены ў Канстанц дзеля суду. Пасьля працяглага знаходжаньня ў турме адмовіўся ад падтрымкі поглядаў Ўікліфа і Гуса, аднак быў пакінуты ў вязьніцы. 23 і 26 траўня 1416 ізноў трапіў на суд, дзе адмовіўся ад сваіх ранейшых словаў, і 30 траўня быў спалены па абвінавачаньні ў ерасі.
Кананізаваны старакаталіцкай царквою.
Крыніцы
Вонкавыя спасылкі
Геранім Праскі — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Геранім Праскі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.