Генэральны камісарыят «Беларусь» — найвышэйшы орган акупацыйнай цывільнай адміністрацыі на тэрыторыі генэральнай акругі «Беларусь».
Генэральны камісарыят «Беларусь» створаны ў канцы ліпеня — жніўня 1941 году. Складаўся з 5 галоўных аддзелаў: палітыкі, упраўленьня, гаспадаркі, тэхнікі, працы (з 1944). Склад апарату камплектаваўся з прадстаўнікоў нямецкай нацыянальнасьці. Генэральны камісарыят «Беларусь» узначальвалі Вільгельм Кубэ (1 верасьня 1941 — 22 верасьня 1943), Курт фон Готбэрг (верасень 1943 — чэрвень 1944).
Генэральнаму камісарыяту непасрэдна падпарадкоўваліся абласныя камісарыяты, гарадзкі камісарыят Менску, сілы паліцыі, бясьпекі і СД.
Генэральны камісарыят «Беларусь» ажыцьцяўляў палітыку, скіраваную на найбольш эфэктыўнае выкарыстаньне эканамічнага патэнцыялу, людзкіх і матэрыяльных рэсурсаў акупаванай тэрыторыі ў інтарэсах нацысцкай Нямеччыны, праводзіў розныя палітычныя і ідэалягічныя мерапрыемствы.
This article uses material from the Wikipedia Беларуская (тарашкевіца) article Генэральны камісарыят Беларусь, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.