Камянецкі Раён Гарадзішча

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Гарадзішча.

Гарадзішча
трансьліт. Haradzišča
Першыя згадкі:	XVIII стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Дзьмітравіцкі
Вышыня:	175 м н. у. м.
Насельніцтва:	22 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225065
СААТА:	1240820046
Нумарны знак:	1
Геаграфічныя каардынаты:	52°26′34″ пн. ш. 23°43′51″ у. д. / 52.44278° пн. ш. 23.73083° у. д. / 52.44278; 23.73083 23°43′51″ у. д. / 52.44278° пн. ш. 23.73083° у. д. / 52.44278; 23.73083
Гарадзішча на мапе Беларусі ± Гарадзішча Гарадзішча
Галерэя здымкаў у Вікісховішчы

Гарадзішча месьціцца за 7 км на паўночны захад ад Камянцу, за 46 км на поўнач ад Берасьця, за 28 км на паўночны ўсход ад чыгуначнай станцыі Высока-Літоўск на лініі Берасьце — Беласток.

• канец XVIII ст.: вёска ў Берасьцейскім павеце і ваяводзтве ВКЛ, дзейнічала драўляная Петрапаўлаўская царква.
• 1795: у складзе Расейскай імпэрыі.
• 1833: паводле 8-й рэвізіі ў вёсцы 17 двароў, 79 рэвіскіх душ. Абшарніку належала 171 дзесяціна зямлі, сялянам 166 дзесяцінаў.
• сярэдзіна XIX ст.: маёнтак і вёска ў Берасьцейскім павеце Гарадзенскай губэрні, уладаньне абшарнікаў Матусевічаў.
• 2-я палова XIX ст.: у Войскай воласьці таго ж павету.
• 1885: сяло, 13 двароў, 119 жыхароў, праваслаўная царква.
• 1897: паводле перапісу сяло, 21 двор, 155 жыхароў, і выселак — 1 двор, 7 жыхароў; маёнтак — 2 двары, 18 жыхароў. Царква, школа граматы, хлебазапасная крама, ветраны млын, кузьня.
• 1905: у сяле — 176 жыхароў, у маёнтку — 3 жыхары.
• 1921: у выніку польска-савецкай вайны па Рыскай мірнай дамове ў складзе Польшчы, вёска і фальварак ў Войскай гміне Берасьцейскага павету Палескага ваяводзтва.
• 1923: у вёсцы — 21 двор, 94 жыхары; у фальварку — 2 двары, 15 жыхароў.
• 1928: у Дзьмітравіцкай гміне таго ж павету.
• 1939: у выніку пакту Молатава — Рыбэнтропа ў складзе Берасьцейскай вобласьці БССР.
• 1940: вёска ў Агародніцкім сельсавеце Камянецкага раёну Берасьцейскай вобласьці, 31 двор, 271 жыхар.
• 1941—1945: цягам Другой сусьветнай вайны на фронце загінуў 1 жыхар вёскі.
• 1950: у вёсцы дзейнічаў калгас «Савецкая Беларусь».
• 1960: у вёсцы 176 жыхароў.
• 1964: у Дзьмітравіцкім сельсавеце Камянецкага раёну, у саўгасе імя Дзімітрава.

• 2010 год — 22 жыхары
• 2005 год — 28 жыхароў, 19 двароў
• 1999 год — 34 жыхары

У складзе ААТ «Камянецкая пушча».

• Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2007. — 608 с.: іл. ISBN 978-985-11-0388-7. С. 37—38.

• Гарадзішча (рас.), Глёбус Беларусі
• Гарадзішча , Radzima.org
• Надвор’е ў вёсцы Гарадзішча