Гавэ́рла (па-ўкраінску: Говерла) — найвышэйшы пункт Украінскіх Карпатаў ды ўвогуле Ўкраіны, яе вышыня — 2061 м.
Разьмешчаная ў Рахаўскім раёне на мяжы Івана-Франкоўскае ды Закарпацкае вобласьцяў на масіве Чарнагора. Зь вялікіх населеных пунктаў паблізу знаходзяцца Рахаў, Ясіня і Варохта.
Гавэрла | |
Найвышэйшы пункт | |
---|---|
Вышыня | 2061 м н. у. м. |
Геаграфія | |
Месцазнаходжаньне | Івана-Франкоўская вобласьць і Закарпацкая вобласьць |
Кантынэнт | Эўразія |
Краіна | Украіна |
Горная сыстэма | Усходнія Карпаты |
Гавэрла | |
Гавэрла зьяўляецца адным з сымбаляў Украіны. Існуе традыцыя падняцьця на вяршыні Гавэрлы ўкраінскага нацыянальнага, а цяпер і Дзяржаўнага сьцягу Ўкраіны ў дзень прыняцьця Дэклярацыі аб дзяржаўным сувэрэнітэце Ўкраіны — 16 ліпеня.
Зьяўляецца папулярным аб’ектам летняга і зімовага турызму. Першы турыстычны маршрут з узыходжаньнем на гару быў адкрыты ў 1880 годзе. З-за папулярнасьці мае высокі ўзровень засьмечанасьці прывяршынных участкаў, а таксама зьнішчанае расьліннае покрыва на вяршыні.
Пры добрай бачнасьці на поўначы можна ўбачыць гарады Івана-Франкоўскай вобласьці: Івана-Франкоўск, Каламыю і Сьняцін, а ў паўднёвым напрамку — румынскі горад Сігету-Мармацыяй. Зь вяршыні Гавэрлы выразна бачная закарпацкая гара Пэтрас (2020 м). На паўднёвы ўсход цягнецца чарада вяршыняў чарнагорскага хрыбту. У яснае надвор’е можна ўбачыць абсэрваторыю Белы слон на гары Поп Іван. На паўднёвым-захадзе ад гары ўзвышаецца Мармароскі хрыбет, па якім праходзіць мяжа Румыніі і Украіны.
У падножжа гары знаходзіцца адзін з вытокаў ракі Прут. Недалёка ад вытоку разьмешчаны каскад вадаспадаў, агульная вышыня якога складае каля 80 мэтраў.
Гавэрла — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Гавэрла, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.