Віцебскі дзяржаўны мэдычны ўнівэрсытэт (ВДМУ) — профільны ўнівэрсытэт, знаходзіцца ў Віцебску.
Утвораны пад назвай Віцебскі дзяржаўны мэдычны інстытут Пастановай Савета народных камісараў БССР 1 лістапада 1934 як бальніца-мэдычная ВНУ, на ўсіх курсах навучаліся 250 чалавек.
Віцебскі мэдычны ўнівэрсытэт | |
Віцебскі дзяржаўны мэдычны ўнівэрсытэт | |
Заснаваны | 1 лістапада 1934 (89 гадоў таму) |
---|---|
Тып | урадавы |
Рэктар | Анатоль Шчастны |
Факультэтаў | 7 |
Колькасьць студэнтаў | больш за 6000 |
Месцазнаходжаньне | |
Горад | Віцебск |
Краіна | Беларусь |
Кампус | гарадзкі |
Былыя назвы | Віцебскі дзяржаўны мэдычны інстытут |
Знаходзіцца ў складзе | Міністэрства аховы здароўя Рэспублікі Беларусь |
Вэб-сайт | vgmu.by |
Першым дырэктарам інстытуту быў прызначаны доктар мэдычных навук, прафэсар Майсей Анісімавіч Хазанаш, выхаванец мэдычнага факультэта Бэрнскага ўнівэрсытэту.
У 1938 годзе бальніца-мэдычная ВНУ пераназваная ў Віцебскі медыцынскі інстытут.
Да 1941 году было ажыцьцёўлена сем выпускаў урачоў. У пачатку вайны інстытут быў эвакуіраваны ў Чалябінск, затым у 1943 годзе — у Яраслаўль. Пасьля на базе Віцебскага мэдычнага інстытуту быў створаны Яраслаўскі мэдычны інстытут. У 1944 годзе частка супрацоўнікаў інстытуту вярнулася ў Менск, удзельнічала ў аднаўленьні Менскага мэдычнага інстытуту. У 1946 годзе інстытут вярнуўся на родную Віцебшчыну. З 1946 году па 1950 ВНУ ўзначальваў Анісім Іванавіч Саўчанка, намесьнік Міністра аховы здароўя БССР. У 1948 годзе было створана студэнцкае навуковае таварыства.
У 1970-1980-я пабудаваны новы корпус мэдычнага інстытуту (арх. Данілаў). У 1984 годзе з нагоды 50-годзьдзя інстытуту ён узнагароджваецца ордэнам Сяброўства народаў і адкрываецца факультэт ўдасканаленьня ўрачоў. У 1989 годзе інстытут з падначаленьня Міністэрства аховы здароўя СССР перадаецца Міністэрству аховы здароўя БССР.
З 1997 па 2005 гг. унівэрсытэт узначальваў Аляксандар Косінец. За гэты пэрыяд у ўнівэрсытэце праведзены глыбокія пераўтварэньні. Адкрытыя факультэты: падрыхтоўкі замежных грамадзян (1997), павышэньня кваліфікацыі спэцыялістаў і перападрыхтоўкі кадраў (1997), прафарыентацыі і давузаўскай падрыхтоўкі (1998), стаматалягічны (2001), пэдагогікі і псыхалёгіі вышэйшай мэдычнай школы (2001). На факультэтах арганізуюцца новыя катэдры і курсы павышэньня кваліфікацыі спэцыялістаў. 10 сакавіка 2003 году загадам Міністэрства аховы здароўя Рэспублікі Беларусь была створана Клініка ВДМУ.
This article uses material from the Wikipedia Беларуская (тарашкевіца) article Віцебскі дзяржаўны мэдычны ўнівэрсытэт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.