праект:віківясна-2022
«Віківясна-2022» — штогадовае мерапрыемства, арганізаванае вікімэдыйцамі і вікіпэдыстамі з Цэнтральнай і Ўсходняй Эўропы, накіраванае на падтрымку стварэньня артыкулаў пра кожную краіну рэгіёну ў кожным з разьдзелаў Вікіпэдыі.
Мэта «Віківясны» — у аб’яднаньні мясцовых высілкаў дзеля зьбіраньня і распаўсюду вольных зьвестак пра гісторыю, культуру, традыцыі і людзей у кожным куточку рэгіёну; у пашырэньні ўзаемнага прызнаньня і разуменьня; у глябальным павелічэньні колькасьці і якасьці вольных ведаў пра рэгіён ЦУЭ. Гэта асабліва надзённа, бо ў найноўшы час рэгіён ЦУЭ перажыў некалькі сумных вёснаў, якія скончыліся непаразуменьнем, раздраем і расчараваньнем.
Традыцыйна мерапрыемства адбываецца з 21 сакавіка да 31 траўня. У гэты час у разьдзелах-удзельніках Вікіпэдыі ладзяцца асобныя конкурсы ў напісаньні і паляпшэньні артыкулаў па гісторыі, культуры і выбітных асобах кожнай краіны-ўдзельніцы рэгіёну. Падрабязьней пра тэмы артыкулаў чытайце на старонцы сьпісу артыкулаў. Конкурсы на месцах ладзяцца мясцовымі прадстаўнікамі, і кожная супольнасьць мае ўласныя правілы, каб улічыць мясцовыя ўмовы. Сувязныя зьвесткі мясцовых каардынатараў знаходзяцца на старонцы кантактаў. Мясцовыя каманды прапануюць сьпісы артыкулаў пра свае краіны, якія яны хочуць бачыць перакладзенымі на ўсе магчымыя мовы рэгіёну, чым і зоймуцца рэдактаркі і рэдактары іншых разьдзелаў. Тым часам, удзельніцы і ўдзельнікі конкурсу змогуць самі абраць тэму, на якую яны хочуць стварыць артыкулы пра пэўную краіну рэгіёну.
Чым больш удзельніц і ўдзельнікаў — тым цікавей. Калі падчас конкурсу далучацца новыя краіны Цэнтральнай і Ўсходняй Эўропы, мясцовыя арганізатары дапоўняць сьпіс задачаў — і ў добры шлях!
- Напісаць і палепшыць як мага больш артыкулаў на падставе крыніцаў.
- Пазначаць кожны новы і палепшаны артыкул ці шаблён, зьвязаны з краінамі ЦУЭ і напісаны з 21 сакавіка па 31 траўня, адпаведна запоўненым шаблёнам {{Артыкул Віківясны-2022}} у абмеркаваньні да яго.
- Пісаць артыкулы ў адпаведны з графікам тыдзень датычна пазначанай у ім краіны або прадмету, каб прыняць удзел у спаборніцтве. Пры гэтым, цягам «Віківясны» па-за конкурсам улічваюцца ўсе артыкулы пра краіны Цэнтральнай і Ўсходняй Эўропы.
| Вікіпэдыст (-ка) | Спосаб удзелу |
|---|---|
| W (гутаркі) | стварэньне артыкулаў |
| Stary Jolup (гутаркі) | стварэньне артыкулаў |
| Dymitr (гутаркі) | паляпшэньне і стварэньне артыкулаў, стварэньне шаблёнаў і катэгорыяў |
| Jarash (гутаркі) | паляпшэньне і стварэньне артыкулаў |
| Гарбацкі (гутаркі) | стварэньне артыкулаў |
| Taravyvan Adijene (гутаркі) | паляпшэньне і стварэньне артыкулаў, стварэньне шаблёнаў |
| Kazimier Lachnovič (гутаркі) | паляпшэньне артыкулаў |
| KastusK (гутаркі) | паляпшэньне артыкулаў |
| NachtReisender (гутаркі) | паляпшэньне артыкулаў |
| Uliana245 (гутаркі) | стварэньне артыкулаў |
| Ясамойла (гутаркі) | стварэньне артыкулаў |
| Panslav (гутаркі) | стварэньне артыкулаў |
| Vsichka (гутаркі) | паляпшэньне артыкулаў |
| Makenzis (гутаркі) | паляпшэньне артыкулаў |
| Raylene N. (гутаркі) | стварэньне артыкулаў |
| Czalex (гутаркі) | стварэньне артыкулаў |
| Dj3underscores (гутаркі) | стварэньне артыкулаў |
Што такое «Віківясна»?
Праект «Вясна Вікімэдыі ЦУЭ» — грамадзкі конкурс у рэдагаваньні артыкулаў, арганізаваны дабраахвотнікамі руху «Вікімэдыі» і вікіпэдыстамі з краінаў Цэнтральнай і Ўсходняй Эўропы. Ідэя праекту заснаваная на пасьпяховым досьведзе міжнароднай супрацы некалькіх моўных разьдзелаў Вікіпэдыі на мовах ЦУЭ.
Які абсяг праекту?
.jpg)
У цэлым прымальныя ўсялякія энцыкляпэдычна значныя тэмы, якія датычаць рэгіёну Цэнтральнай і Ўсходняй Эўропы. Гэта можа быць славацкая кухня, сэрбская гісторыя, вугорская геаграфія, летувіскія рэкі, эстонскія нацыянальныя паркі, украінская эканоміка, румынскія пячоры і да т.п.
Хто займаецца арганізацыяй мерапрыемства?
Конкурс ладзіцца на міжнародным узроўні пасярэдніцтвам асобных аддзелаў Фундацыі «Вікімэдыя», вікіпэдыйных супольнасьцяў і асобных рэдактараў праектаў «Вікімэдыі». Падрыхтоўкай і каардынацыяй праекту займаецца міжнародная каманда.
Як адбываецца супраца па тэматыцы конкурсу?
Міжнародная дружына ладзіць віртуальныя сустрэчы пры пасярэдніцтве Рэтрансьляванага інтэрнэт-чату, Скайпу і іншых каналаў сувязі. Існуе таксама суполка ў Фэйсбуку.
Дзе знаходзяцца сьпісы артыкулаў?
Удзельніцы і ўдзельнікі вольныя самі абіраць любы артыкул любой тэматыкі, калі ён тычыцца краінаў Цэнтральнай і Ўсходняй Эўропы (прыклады вышэй), або скарыстаць прапанаваны сьпіс, створаны асобна для кожнай краіны-ўдзельніцы спаборніцтва. Прыведзены сьпіс не абавязковы, аднак зьяўляецца пералікам найбольш істотных тэмаў па краіне, складзеных прадстаўнікамі гэтай краіны.
Калі афіцыйны пачатак конкурсу?
Конкурс афіцыйна пачынаецца 21 сакавіка і цягнецца да 31 траўня 2022 году. Сьпіс датаў, у якія ствараем артыкулы пра асобныя краіны, знаходзіцца на старонцы ў Мэта-Вікі.
Якім чынам вядзецца падлік унёску?
Усе ахвотныя рэгіструюцца ў табліцы ўдзельніц і ўдзельнікаў, пасьля чаго дадаюць створаныя і палепшаныя артыкулы ў сьпіс. Рэгістрацыя не абавязковая, аднак яна дазваляе адсачыць Ваш унёсак і запэўнівае, што створаныя артыкулы адносяцца да конкурсу.
Якія будуць узнагароды?
У 2021 годзе ў бюджэце гранта згадваліся па «€400» на «ўзнагароды на мясцовым узроўні», у тым ліку для «Вікісупольнасьці Беларусі». Пры захаваньні гэтых умоваў узнагароды складуць за найбольшы лік створаных артыкулаў 200 і 100 эўра за 1-е і 2-е месцы адпаведна, за найбольшы лік палепшаных артыкулаў — 100 эўра.
Створаныя артыкулы
Палепшаныя артыкулы
Створаныя шаблёны
Заўвагі
Артыкулы, пазначаныя курсівам, удзелу ў спаборніцтве не бяруць.
Тэрмін: 21 сакавіка — 31 траўня 2022 году.
| Дні | Краіна ці мова і прадмет |
| 21—27 сакавіка | Украіна; геаграфія, традыцыі і ежа, культура |
| 28 сакавіка — 3 красавіка | Армэнія, Аўстрыя і Польшча; традыцыі і ежа |
| 4—10 красавіка | Грузія, Латвія, цыганы і эспэранта; гісторыя |
| 11—17 красавіка | Азэрбайджан, Грэцыя і Паўночная Македонія; адукацыя і навука |
| 18—24 красавіка | Сэрбія, Турэччына і эрзя; грамадзтва і правы чалавека |
| 25 красавіка — 1 траўня | Вугоршчына, Малдова і Румынія, Эстонія; архітэктура |
| 2—8 траўня | Кіпр, татары і крымскія татары; прырода |
| 9—15 траўня | Башкартастан, Славенія і Чарнагорыя; культура і спорт |
| 16—22 траўня | Славаччына, Харватыя і Чэхія; міжнародныя дачыненьні і жанчыны |
| 23—31 траўня | Босьнія і Герцагавіна, Расея і Сэрбская Рэспубліка; эканоміка |
Таксама існуюць сьпісы артыкулаў яшчэ для 10 супольнасьцяў: Альбанія, Баўгарыя, вырусы, Дон, Казахстан, Косава, Летува, Мальта, лужычане і паўночны захад Расеі. Іх магчыма скарыстаць з увагай да прадмету артыкула адпаведна тыдню або па-за спаборніцтвам.
- Вікіпэдыя:Як стварыць новы артыкул
- Вікіпэдыя:Памятка
- Вікіпэдыя:Правілы афармленьня
- Вікіпэдыя:Вікідапаможнік/Зьмест
Вонкавыя спасылкі
 | У Вікісховішчы можна знайсьці мультымэдыйныя матэрыялы па тэме: |
- «Віківясна-2022» на Мэта-Вікі
- Статыстыка па артыкулах са сьпісаў
- «Віківясна» у Facebook
- «Віківясна» у Twitter
This article uses material from the Wikipedia Беларуская (тарашкевіца) article Вікіпэдыя:Праект:Віківясна-2022, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.