Вікімэдыя ВікіВясна — 2017 — штогадовае мерапрыемства, арганізаванае вікімэдыйцамі і вікіпэдыстамі з рэгіёну Цэнтральнай і Ўсходняй Эўропы, накіраванае на падтрымку стварэньня артыкулаў пра кожную краіну рэгіёну ў кожным з разьдзелаў Вікіпэдыі.
Яшчэ зусім нядаўна рэгіён ЦУЭ перажыў некалькі сумных Вёснаў, якія скончыліся непаразуменьнямі, раздраямі і расчараваньнямі (зьняцьце з пасады Дубчака ў красавіку 1969 году дзеля спыненьня Праскай вясны, эскаляцыя канфлікту ў Нагорным Карабаху ўвесну 1988 году, актывізацыя Прыднястроўскага канфлікту ў сакавіку 1992 году, пачатак аблогі Сараева ў красавіку 1992 году і, урэшце, вясна 2014 году, якая зазначыла пачатак вайны на Данбасе).
Задача ВікіВясны — у аб’яднаньні лякальных высілкаў дзеля зьбіраньня і распаўсюду вольных зьвестак пра культуру, традыцыі і людзей у кожным куточку рэгіёну; пашырэньні ведаў і разуменьні адзін аднаго; глябальным павелічэньні колькасьці і якасьці вольных ведаў пра рэгіён Цэнтральнай і Ўсходняй Эўропы.
Традыцыйна праект ладзіцца з 21 сакавіка да 31 траўня. У гэты час у разьдзелах-удзельніках Вікіпэдыі ладзяцца асобныя конкурсы па напісаньні ды паляпшэньні артыкулаў па гісторыі, культуры і выбітных асобах кожнай краіны-ўдзельніцы рэгіёну. Падрабязьней пра тэмы артыкулаў чытайце на старонках сьпісаў артыкулаў.
Конкурсы на месцах арганізоўваюцца лякальнымі прадстаўнікамі і кожная супольнасьць мае свае ўласныя правілы. Кантактныя зьвесткі мясцовых каардынатараў знаходзяцца на старонцы кантактаў. Два мінулыя конкурсы паказалі, што арганізатары-дабраахвотнікі з розных разьдзелаў выцягнулі сваю ношу да канца. Мясцовыя каманды прапануюць сьпісы артыкулаў пра свае краіны, якія яны б хацелі бачыць перакладзенымі на ўсе магчымыя мовы рэгіёну, чым і зоймуцца рэдактары іншых разьдзелаў; такім чынам удзельнікі конкурсу змогуць самі абраць тэму, на якую яны хочуць стварыць артыкулы пра пэўную краіну рэгіёну.
Чым больш удзельнікаў — тым цікавей. Калі падчас конкурсу далучацца новыя краіны, мясцовыя арганізатары дапоўняць сьпіс задачаў — і ў добры шлях!
Вікіпэдыст | Кантакты | Чым магу дапамагчы? | Статус (можа быць неактуальны) |
---|---|---|---|
Stary Jolup | Гутаркі | стварэньне артыкулаў | актыўны |
Comp1089 | Гутаркі | стварэньне артыкулаў | актыўны |
Taravyvan Adijene | Гутаркі | артыкулы, шаблёны, катэгорыі, кансультацыі | актыўны |
Alaksiej | Гутаркі | стварэньне артыкулаў | актыўны |
Lesnas ättling | Гутаркі | стварэньне артыкулаў | (па магчымасьці) актыўны |
DobryBrat | Гутаркі | стварэньне і паляпшэньне артыкулаў | (па магчымасьці) актыўны |
Dymitr | Гутаркі | стварэньне і паляпшэньне артыкулаў | (па магчымасьці) актыўны |
W | Гутаркі | артыкулы | актыўны |
Праект «ВМЦіУЭ Вясна» — грамадзкі конкурс па рэдагаваньні артыкулаў, арганізаваны дабраахвотнікамі руху Вікімэдыя і вікіпэдыстамі з краінаў Цэнтральнай і Ўсходняй Эўропы. Ідэя праекту заснаваная на пасьпяховым досьведзе міжнароднага супрацоўніцтва некалькіх моўных разьдзелаў Вікіпэдыі на мовах рэгіёну ЦіУЭ.
У цэлым прымальныя любыя энцыкляпэдычна значныя тэмы, якія датычаць рэгіёну Цэнтральнай і Ўсходняй Эўропы. Гэта можа быць славацкая кухня, сэрбская гісторыя, вугорская геаграфія, летувіскія рэкі, эстонскія нацыянальныя паркі, украінская эканоміка, румынскія пячоры…
Конкурс ладзіцца на міжнародным узроўні пасярэдніцтвам асобных філіяў фундацыі Вікімэдыя, вікіпэдыйных супольнасьцяў і асобных рэдактараў праектаў Вікімэдыі. Падрыхтоўкай і каардынацыяй праекту займаецца міжнародная каманда.
Міжнародная каманда ладзіць віртуальныя сустрэчы пры пасярэдніцтве skype, IRC ці іншых кантактных каналаў. Існуе таксама група ў Facebook.
Удзельнікі вольныя самі абіраць любы артыкул любой тэматыкі, калі ён датычыцца краінаў Цэнтральнай і Ўсходняй Эўропы (прыклады былі прыведзеныя вышэй), ці скарыстацца прапанаваным сьпісам, створаным асобна для кожнай краіны-ўдзельніцы конкурсу. Прыведзены сьпіс не абавязковы, аднак зьяўляецца пералікам найбольш істотных тэмаў па краіне, складзеных прадстаўнікамі гэтай краіны.
Конкурс афіцыйна пачнецца ў сакавіку і працягнецца да 31 траўня 2017. Сьпіс датаў, у якія будзем ствараць артыкулы пра асобныя краіны, знаходзіцца на ВікіМэце.
Усе ахвотныя рэгіструюцца ў табліцы ўдзельнікаў, пасьля чаго дадаюць створаныя і палепшаныя артыкулы ў сьпіс. Рэгістрацыя не абавязковая, аднак яна дазваляе адсачыць Ваш унёсак і запэўнівае, што створаныя артыкулы адносяцца да конкурсу.
Пакуль ніякіх. Толькі падзяка, рэспэкт і «+» у карму.
Тэрмін конкурсу — з 21 сакавіка да 31 траўня 2017 году.
Дзяржавы | Даты |
Славаччына, Сэрбія, Харватыя | 21 сакавіка — 27 сакавіка |
Альбанія, Эстонія | 28 сакавіка — 3 красавіка |
Аўстрыя, Расея, Рэспубліка Сэрбская | 4 красавіка — 10 красавіка |
Летува, Украіна, Эрзя | 11 красавіка — 17 красавіка |
Баўгарыя, Вугоршчына, Македонія | 18 красавіка — 24 красавіка |
Азэрбайджан, Казахстан, Польшча | 25 красавіка — 1 траўня |
Грэцыя, Крымскія татары | 2 траўня — 8 траўня |
Косава, Латвія, Румынія | 9 траўня — 15 траўня |
Армэнія, Башкартастан, Босьнія і Герцагавіна | 16 траўня — 22 траўня |
Грузія, Татарстан, Турэччына, Эспэранта | 23 траўня — 29 траўня |
У Вікісховішчы можна знайсьці мультымэдыйныя матэрыялы па тэме: |
This article uses material from the Wikipedia Беларуская (тарашкевіца) article Вікіпэдыя:Праект:ВікіВясна-2017, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.