Віктар Ганчар

Віктар Ёсіфавіч Ганчар (7 верасьня 1958, пас.

Радзічава, Менская вобласьць — 16 верасьня 1999 (?)) — беларускі палітык, бязь сьледу зьніклы ў 1999 годзе разам з Анатолем Красоўскім. Кандыдат юрыдычных навук.

Віктар Ганчар
Старшыня ЦВК Беларусі
1996 — лістапад 1996
Прэзыдэнт: Аляксандар Лукашэнка
Прэм’ер-міністар: Міхаіл Чыгір
Наступнік: Лідзія Ярмошына
Асабістыя зьвесткі
Нарадзіўся: 7 верасьня 1958
пас. Радзічава, Менская вобласьць, БССР
Памёр: 16 верасьня 1999 (?)
Партыя: АГП
Сужэнец: Зінаіда Ганчар
Адукацыя:

Біяграфія

У 1984 г. абараніў дысэртацыю на званьне кандыдата юрыдычных навук. Дацэнт Беларускага дзяржаўнага інстытуту народнай гаспадаркі ім. В. У. Куйбышава (цяпер БДЭУ). Кандыдат у сябры КПСС. Абраны дэпутатам Вярхоўнага Савету БССР 12-га скліканьня па Васьняцоўскай выбарчай акрузе № 6 г. Менску. На прэзыдэнцкіх выбарах 1994 году Віктар Ганчар быў адным з кіраўнікоў выбарчага штабу Аляксандра Лукашэнкі. З 1994 году Ганчар быў намесьнікам старшыні ўраду Беларусі.

З 1995 г. — дэпутат Вярхоўнага Савету Беларусі, намесьнік старшыні.

Напярэдадні рэфэрэндуму 1996 г. і ў 1998 г. — старшыня Цэнтральнае выбарчае камісіі.

Віктар Ганчар браў актыўны ўдзел у працы Вярхоўнага Савету падчас канстытуцыйнага крызісу 1996 году, быў адным з найбольш актыўных ініцыятараў працэсу імпічмэнту А. Лукашэнку.

У траўні 1999 году Віктар Ганчар арганізаваў кампанію па выбарах прэзыдэнта Беларусі, якая была сарваная ўладамі.

Дзейнасьць самога Вярхоўнага Савету была дэзарганізаваная ад’ездам ягонага старшыні Сямёна Шарэцкага ў Летуву. Выконваць абавязкі старшыні ўзяўся Віктар Ганчар.

16 верасьня 1999 году Віктар Ганчар разам са сваім сябрам бізнэсоўцам Анатолем Красоўскім зьніклі бязь зьвестак. Пазьней на месцы, дзе па меркаваньнях адбылося выкраданьне, былі знойдзеныя аскепкі шкла аўтамабіля і сьляды крыві.

У снежні 2019 году «Нямецкая хваля» апублікавала дакумэнтальны фільм, у якім Юры Гараўскі, былы супрацоўнік спэцпадразьдзяленьня МУС Беларусі, пацьвердзіў, што менавіта яго падразьдзяленьне арыштавала, зьвезла й забіла Юрыя Захаранку, і што пазьней яно зрабіла тое ж самае зь Віктарам Ганчаром і Анатолем Красоўскім.

Крыніцы

Вонкавыя спасылкі


Нерасьсьледаваныя зьнікненьні і сьмерці вядомых людзей у сучаснай Беларусі
1996: Анатоль Майсеня
1999: Віктар Ганчар; Юры Захаранка; Генадзь Карпенка; Анатоль Красоўскі
2000: Зьміцер Завадзкі
2004: Вераніка Чаркасава
2005: Васіль Гроднікаў
2010: Алег Бябенін
2020: Раман Бандарэнка; Аляксандар Віхор; Мікіта Крыўцоў; Аляксандар Тарайкоўскі; Генадзь Шутаў
2021: Вітольд Ашурак ; Зьміцер Стахоўскі; Андрэй Зельцэр
2023: Мікалай Клімовіч

Глядзіце таксама: Сьпіс загінулых падчас акцыяў пратэсту ў Беларусі (2020—2021)

Tags:

Анатоль КрасоўскіМенская вобласьцьРадзічава

🔥 Trending searches on Wiki Беларуская (тарашкевіца):

Адвечным шляхамГомельская ратушаДразды (гурт)Францішак БагушэвічАкадэмія нацыянальнай бясьпекі Рэспублікі БеларусьГерэльСыкхізмПэтынгУзброеныя сілы Рэспублікі БеларусьГентылаIP-адрасБенічанкаБаранавічыВікісховішчаТрадыцыйны бірманскі каляндарРадзімічыДоўгія вёрсты вайны (фільм)РасейцыЁган Вольфганг фон ГётэНовая зямляПадвойнае пранікненьнеMemento moriПарнафільм у ФранцыіГісторыя БеларусіГерэйкаПошукавая аптымізацыяЗянон ПазьнякБанкаўскі рахунакМаскваМарат МаркаўМіжрасавая парнаграфіяЗарубскі сельсаветХэндГардзіна (імя)Кутнічнае выйсьцеГарбатаТрансэптКарльскірхэАнальны сэксІсьляндзкі конь797Юлі ТаўбінНародны майстар БеларусіГутгер598Касьцёл Найсьвяцейшай Тройцы і кляштар бэрнардынаў (Беніца)ШвендэрДзеяслоўГераКісялі (Дубровенскі раён)Ручная стымуляцыя чэлесуМілтан ФрыдманРыгор БарадулінВіды сувязі словаў1940Пётар МашэраўЭўропаЗьміцер СаўкаВялікі кітайскі фаерволБеларуская песняВялікае Княства ЛітоўскаеСярэднявеччаДзесяціна (мера плошчы)СказАднаўляльная энэргіяБеларускі нацыянальны стройГіль (імя)Грунвальдзкая бітва1919Гіка817🡆 More