Вуграруская Мова: гаворка ўкраінскай мовы
Вуграру́ская мова (назвы: угроруський язик, руський язик; па-ўкраінску: угроруська мова) — рэгіянальны кніжны варыянт украінскае літаратурнае мовы Закарпацьця, сканструяваны на аснове сярэднезакарпацкіх гаворак з шырокім выкарыстаньнем элемэнтаў царкоўнаславянскай, расейскай і вугорскай моваў з мэтаю стварэньня асобнае літаратурнае мовы закарпацкіх украінцаў.
Тэрмін утвораны ад кніжнага тапоніму Вугорская Русь (укр. Угорська Русь), якім у Галічыне ды Расеі з XVII стагодзьдзя называлі паўднёвыя схілы Ўкраінскіх Карпатаў.
Вуграруская мова прадстаўленая ў працах Русько-мадярский словарь Л. Чапея 1883 году, Методичні граматики угроруського языка А. Валошына 1907—1909 гадоў, а таксама ў граматычных і правапісных правілах Г. Стрыпскага.
Па распадзе Аўстра-Вугоршчыны ў 1918—1919 гадох за асобную вуграрускую мову выступалі мадзьярафільскія кіраўнікі ўтворанай на Закарпацьці аўтаномнай «Рускай Краіны», у часы вугорскай акупацыі Закарпацьця 1939—1944 гадоў — створанае ва Ужгарадзе «Подкарпатское общество наук»; формы гэтае мовы адлюстроўваюць перадусім выдадзеныя ў тыя часы «Грамматика угрорусского языка для середнихъ учебныхъ заведеній» 1940 году й «Грамматика руського языка» І. Гарайды, 1941 год.
Тэрмін вуграруская мова неадназначны, ён часткова ўваходзіць у шырэйшыя паняткі русінская мова й руская мова.
Глядзіце таксама
Літаратура
- Я. П. Чучка. Угроруська мова // litopys.org.ua.
- Грамматика угрорусского языка для середнихъ учебныхъ заведений. Изданіе Регентского комиссарского управленія въ Унгварѣ. Унгваръ, 1940
This article uses material from the Wikipedia Беларуская (тарашкевіца) article Вуграруская мова, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.