Вот Так: музычны кліп 2018 року
«Вот так» (па-беларуску: «Вось так») — назва песьні й аднайменнага відэакліпу на YouTube, аўтарам якіх ёсьць расейскі відэаблоґер ды рэп-выканаўца Алішэр Морґенштэрн.
Перадгісторыя
 Вонкавыя відэафайлы | |
|---|---|
| |  «Выгнали с универа. Поднимаю пол ляма за минуту!» |
26 жніўня 2018 року на YouTube-канале Морґенштэрна быў апублікаваны відэаролік, даўжынёю ў 10 хвілінаў 44 сэкунды, у якім ён узгадваў падзеі траўня 2017 року, калі яго адлічылі з унівэрсытэту празь ягоныя відэаролікі. У відэа Алішэр параўноўвае маштабы свайго заробку ды маштабы заробку свайго колішнега рэктара. У відэаролік была ўбудаваная рэкламная інтэґрацыя, якая, паводле Алішэра, каштавала паўмільёны рублёў. Далей, па сюжэце відэароліку, пасьля выкананьня рэклямных абавязкаў, Алішэру далі канвэрт з грашыма, пасьля чаго ён вымавіў фразу «Рабіць грошы — вось так!» і ўпаў сьпіною ў басэйн. Пасьля гэтага йдзе чорная ўстаўка бяз хоць якіх далейшых дзеяў, якая доўжыцца з 2:48 да 10:44.
| Вонкавыя відэафайлы | |
|---|---|
| | Відэаролік у Instagram |
Пазьней Морґенштэрн выклаў відэаролік у свой профіль Instagram, у якім паказальна спаліў сто тысяч рублёў.
Гісторыя ды посьпех
Кампазыцыя была выпушчаная 2 верасьня 2018 року. У музычным кліпе артыст патлумачыў свае эпатажныя дзеі. Відэакліп на песьню менш чым за суткі быў прагледжаны больш за два мільёны разоў. Па стане на 4 верасьня 2018 року ўвайшоў у ТОП-8 найпапулярнейшых музычных кампазыцыяў У Кантакце.
Крыніцы
This article uses material from the Wikipedia Беларуская (тарашкевіца) article Вот так, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.