Во́льга Мікала́еўна Чамада́нава (дзяв.
Прыстром; нар. 1977, Менскі раён) — прапагандыстка рэжыму Лукашэнкі. Прэс-сакратарка Міністэрства ўнутраных справаў Рэспублікі Беларусь (з 29 сьнежня 2018 году па кастрычнік 2021 году), унесеная ў санкцыйныя сьпісы краінаў Эўрапейскага Зьвязу. Палкоўнік міліцыі.
Вольга Чамаданава | |
Імя пры нараджэньні | Вольга Мікалаеўна Прыстром |
---|---|
Род дзейнасьці | прапагандыстка |
Дата нараджэньня | 13 кастрычніка 1977 (46 гадоў) |
Месца нараджэньня | Менскі раён |
Грамадзянства | Беларусь |
Месца вучобы | Беларускі дзяржаўны ўнівэрсытэт |
Занятак | прапагандыст, палітык |
Месца працы | Міністэрства ўнутраных справаў Рэспублікі Беларусь |
Гады дзейнасьці | з 1999-га |
Вядомая як | асоба, адказная за публічнае камэнтаваньне і апраўдваньне дзеяньняў сілавых структураў рэжыму Лукашэнкі падчас хвалі палітычнага тэрору ў сувязі з масавымі пратэстамі, якія адбываліся напярэдадні і пасьля сфальсыфікаваных прэзыдэнцкіх выбараў 2020 г. |
Пасада | прэс-сакратарка |
Тэрмін | з 29 сьнежня 2018 г. |
Муж | Дзяніс Чамаданаў |
Дзеці | 2 дзяцей |
Узнагароды | Прэмія прэзыдэнта Беларусі «За духоўнае адраджэньне» (2013) Спэцыяльная прэмія Менскага аблвыканкама «Чалавек года Міншчыны» |
Нарадзілася ў Менскім раёне. Скончыла Беларускі дзяржаўны ўнівэрсытэт.
Пачала працу ў сілавых структурах у 1999 годзе. Працавала ўчастковай інспэктаркай, інспэктаркай па справах непаўналетніх, была кіраўніцай розных аддзяленьняў міліцыі. 12 гадоў узначальвала інспэкцыю па справах непаўналетніх Управы ўнутраных справаў Менскага райвыканкаму.
У 2019 годзе заняла пасаду прэс-сакратара МУС. На гэтай пасадзе камэнтавала і апраўдвала дзеяньні сілавых структураў рэжыму Лукашэнкі падчас масавых мірных пратэстаў, якія адбываліся напярэдадні і пасьля сфальсыфікаваных прэзыдэнцкіх выбараў і суправаджаліся беспрэцэдэнтным гвалтам сілавікоў у дачыненьні да грамадзянаў.
Крытыкавала дзейнасьць непадкантрольных уладам Telegram-каналаў.
Адмаўляла факты парушэньня правоў арыштаваных(en), зафіксаваныя праваабаронцамі.
Абвінавачвала праціўнікаў Лукашэнкі ў прыцягненьні дзяцей да ўдзелу ў акцыях пратэсту, што нібыта мае нанесьці ім псыхалягічную шкоду.
У кастрычніку 2021 году ўзначаліла Галоўнае ўпраўленьне ідэалягічнай работы ды па справах моладзі Менгарвыканкаму.
У студзені 2021 г. суд Цэнтральнага раёну Менска асудзіў 43-гадовага Дзьмітрыя Ўшацкага на 2 гады абмежаваньня свабоды й выплату 5000 рублёў кампэнсацыі маральнай шкоды за абразу Чамаданавай у тэлеграм-чаце. Рэпліка Ўшацкага была выкліканая камэнтаром Чамаданавай аб нібыта правамернасьці затрыманьня блогера і лідара пратэстаў Сяргея Ціханоўскага.
Муж Дзяніс Чамаданаў, начальнік 2-га ўпраўленьня ГУБАЗіК, сілавой службы рэжыму Лукашэнкі, па шматлікіх сьведчаньнях адказнай за палітычныя рэпрэсіі й гвалт супраць праціўнікаў рэжыму. Дзяніс таксама уключаны ў санкцыйны сьпіс балтыйскіх краін, а з 2 сьнежня 2021 году і ў сьпіс спэцыяльна вызначаных грамадзянаў і заблякаваных асобаў ЗША ды санкцыйны сьпіс Канады.
Мае двух дзяцей.
25 сакавіка 2021 г. Вольга Чамаданава і яе муж Дзяніс Чамаданаў былі ўключаныя ў санкцыйны сьпіс уладамі Латвіі, Літоўскай Рэспублікі і Эстоніі як службовыя асобы, датычныя да жорсткага здушэньня мірных пратэстаў пасьля прэзыдэнцкіх выбараў 9 жніўня 2020 году.
21 чэрвеня 2021 г. Чамаданава ўнесеная ў Чорны сьпіс Эўразьвязу. Паводле рашэньня ЭЗ, Чамаданава як рэжыму Лукашэнкі, «будучы галоўнай мэдыйнай асобай Міністэрства ўнутраных справаў Беларусі, адыгрывае ключавую ролю ў скажэньні і адмаўленьні фактаў гвалту ў дачыненьні да пратэстоўцаў, а таксама ў распаўсюджваньні ілжывай інфармацыі пра іх. Яна пагражала мірным дэманстрантам і працягвае апраўдваць гвалт супраць іх». 6 ліпеня да чэрвеньскага пакету санкцый ЭЗ далучыліся Альбанія, Ісьляндыя, Ліхтэнштайн, Нарвэгія, Паўночная Македонія, Чарнагорыя, 7 ліпеня — Швайцарыя.
This article uses material from the Wikipedia Беларуская (тарашкевіца) article Вольга Чамаданава, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.