Васіль Гроднікаў
Васіль Гроднікаў (13 студзеня 1938 — 17 кастрычніка 2005) — беларускі журналіст, пазаштатны карэспандэнт «Народнай Волі».
Васіль Гроднікаў | |
| Род дзейнасьці | журналістыка |
|---|---|
| Дата нараджэньня | 13 студзеня 1938 |
| Месца нараджэньня | в. Старая Алешня, Рагачоўскі раён, Гомельская вобласьць, БССР |
| Дата сьмерці | 17 кастрычніка 2005 |
| Месца сьмерці | Заслаўе, Менскі раён, Менская вобласьць, Беларусь |
| Месца пахаваньня | |
| Занятак | журналіст |
Дзейнасьць
Васіль Гроднікаў пісаў у «Народнай Волі» матэрыялы на палітычныя і сацыяльныя тэмы. Зьяўляўся ляўрэатам прэміі імя Анатоля Майсені.
Абставіны сьмерці
18 кастрычніка 2005 году а 10 гадзінаў раніцы Васіль Гроднікаў быў знойдзены мёртвым у сваёй прыватнай хаце, братам Міколам. На галаве загінулага была запечаная кроў, крывавыя плямы былі таксама на сьценах і зламаным зэдлічку. У паведамленьні судова-мэдыцынскага экспэрта пракуратуры было адзначана, што журналіст памёр у выніку «кантакту з тупым прадметам». На наступны дзень Мікола Гроднікаў заявіў, што яго брат, які дагэтуль ужо перажыў адзін замах у студзені 2005 году, быў забіты праз сваю працу.
Між тым, Генэральная пракуратура Рэспублікі Беларусь адмовілася пачынаць крымінальную справу па факце сьмерці журналіста й заявіла, што ён памёр «негвалтоўнай сьмерцю ад бытавой траўмы».
Журналісты мяркуюць, што магчымае забойства журналіста магло быць зьвязанае зь яго тагачаснаю працаю над матэрыялам, прысьвечаным кватэрным махінацыям у Маладэчна «Кідалы-3» — працягам сэрыі публікацыяў, дзе ўзгадваліся супрацоўнікі КДБ і МУС. Васіль Гроднікаў плянаваў у бліжэйшы час прыехаць у гэты горад на некалькі дзён, каб сабраць матэрыял для новага артыкула.
Пахаваны на Паўночных могілках у Менску.
Вонкавыя спасылкі
- Старонка на сайце фундацыі Завадзкага (рас.) Архіўная копія
- Вольнаму — воля!. Народная Воля (2008-01-11). Архіўная копія
- Імёны Свабоды: Васіль Гроднікаў
| Нерасьсьледаваныя зьнікненьні і сьмерці вядомых людзей у сучаснай Беларусі | |
|---|---|
| 1996: Анатоль Майсеня 1999: Віктар Ганчар; Юры Захаранка; Генадзь Карпенка; Анатоль Красоўскі 2000: Зьміцер Завадзкі 2004: Вераніка Чаркасава 2005: Васіль Гроднікаў 2010: Алег Бябенін 2020: Раман Бандарэнка; Аляксандар Віхор; Мікіта Крыўцоў; Аляксандар Тарайкоўскі; Генадзь Шутаў 2021: Вітольд Ашурак ; Зьміцер Стахоўскі; Андрэй Зельцэр 2023: Мікалай Клімовіч Глядзіце таксама: Сьпіс загінулых падчас акцыяў пратэсту ў Беларусі (2020—2021) | |
This article uses material from the Wikipedia Беларуская (тарашкевіца) article Васіль Гроднікаў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.