Ўільям Гэнры Ґейтс ІІІ (па-ангельску: William Henry Gates III, нар.
28 кастрычніка 1955 году ў Сіетле) — амэрыканскі прадпрымальнік, адзін з кіраўнікоў Фонда Біла і Мэлінды Ґейтс. З 1996 да 2007 году быў самым багатым чалавекам на Зямлі па вэрсіі часопіса «Форбс». У наш час яго багацьце складае прыкладна 58 млрд даляраў ЗША.
Разам з Полам Аленам зьяўляецца заснавальнікам карпарацыі «Майкрасофт», пасаду прэзыдэнта якой Ґейтс пакінуў у чэрвені 2008 году.
Біл Ґейтс нарадзіўся ў Сіетле (ЗША), у сям’і адваката Ўільяма Гэнры Ґейтса ІІ і ўдзельніка савету дырэктараў First Interstate Bank, Pacific Northwest Bell і нацыянальнага савета United Way Мэры Максвэл Ґейтс.
Ґейтс вучыўся ў прывілеяванай школе Сіетлу, дзе атрымаў магчымасьць навучыцца праграмаваньню на мінікампутары, па астатніх прадметах Ґейтс меў невысокія адзнакі. У канцы навучаньня ў пачатковай школе дрэнныя паводзіны Ґейтса ўсхвалявалі бацькоў і настаўнікаў так моцна, што яму давялося наведаць псыхіятра.
У 1973 годзе ён паступіў у Гарвардзкі ўнівэрсытэт, але быў выключаны праз два гады. Пасьля гэтага Ґейтс пачаў займацца выключна стварэньнем праграмнага забесьпячэньня. У гэтым жа годзе сумесна з Аленам Ґейтс заснаваў кампутарную кампанію Micro-Soft, якая потым пачала называцца Карпарацыя «Майкрасофт».
1 студзеня 1994 году Ґейтс ажаніўся з Мэліндай Фрэнч. Яны маюць трох дзяцей — Джэніфэр Катрын, Роры Джона і Фібі Адэль.
У 1998 годзе Біл Ґейтс падаў у адстаўку з пасады прэзыдэнта карпарацыі «Майкрасофт», у 2000 годзе і з пасады галоўнага выканаўчага дырэктара.
2 красавіка 2005 году Міністэрства замежных справаў Вялікабрытаніі абвясьціла аб узнагародзе Ґейтса тытулам Рыцара-Камандора Ордэна Брытанскай імпэрыі за яго ўнёсак у разьвіцьцё брытанскіх прадпрыемстваў і за яго высілкі па зьмяншэньні жабрацтва ў сьвеце.
У 2005 годзе Біл Ґейтс і яго жонка Мэлінда Ґейтс былі абвешчаны людзьмі году амэрыканскім часопісам Time.
З 7 чэрвеня 2007 году Ґейтс атрымаў пасьведчаньне аб сканчэньні Гарвардзкага ўнівэрсытэту.
7 студзеня 2008 году Біл Ґейтс абвясьціў аб сваім намеры сысьці з пасады кіраўніка карпарацыі «Майкрасофт» у ліпені 2008 году, заняўшыся выключна дабрачыннасьцю. Сышоўшы з пасады 27 чэрвеня 2008 году Ґейтс застаўся найбуйнейшым акцыянэрам «Майкрасофт» (8,7% акцыяў).
Вікіцытатнік зьмяшчае збор цытатаў, датычных тэмы артыкула: |
This article uses material from the Wikipedia Беларуская (тарашкевіца) article Біл Гейтс, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.