Будынак гарадзкога тэатру — помнік архітэктуры канца XIX ст.
Помнік грамадзянскай архітэктуры | |
Будынак гарадзкога тэатру | |
Краіна | Беларусь |
Горад | Магілёў |
Каардынаты | 53°53′50″ пн. ш. 30°19′59″ у. д. / 53.89722° пн. ш. 30.33306° у. д. 30°19′59″ у. д. / 53.89722° пн. ш. 30.33306° у. д. |
Архітэктурны стыль | псэўдарускі стыль[d] і цагляны стыль[d] |
Аўтар праекту | Пётар Камбураў[d] |
Дата заснаваньня | 1886 |
Будаваньне | 1886—1888 гады |
Будынак гарадзкога тэатру | |
Будынак гарадзкога тэатру на Вікісховішчы |
у Магілёве. Знаходзіцца на Тэатральным пляцы. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.
Мураваны тэатар у Магілёве збудавалі ў 1886—88 гадох паводле праекту эпархіяльнага архітэктара П. Камбурава і губэрнскага інжынэра Ў. Мільяноўскага.
У 1954 годзе ў будынку разьмясьціўся новаўтвораны Магілёўскі абласны драматычны тэатар. У 1992—2001 гадох будынак знаходзіўся на рэканструкцыі. Спэктаклі праходзілі ў будынку былога Дому палітасьветы, не прыстасаванага для работы прафэсійнага тэатру. Цяпер у будынку зноў працуе Драматычны тэатар.
Прыклад эклектычнай царкоўнай архітэктуры Расейскай імпэрыі. Мае складаную кампазыцыю аб’ёмаў. Цэнтральнае месца займае прастакутная ў пляне глядацкая заля (на 500 месцаў) з закругленай задняй сьцяной. На галоўным фасадзе выступаюць два вежападобныя чацьверыковыя аб’ёмы і тамбур з тэрасай над ім пры ўваходзе, да якога вядзе двухбаковая крывалінейная ў пляне лесьвіца. Вакол глядацкай залі групуюцца вэстыбюль, фае, кулюары, калідоры, службовыя памяшканьні. У архітэктурным разьвязку фасадаў спалучаецца адкрытая чырвоная муроўка зь белымі атынкаванымі дэталямі псэўдарускага стылю (зубчыкі, сухарыкі, абрамленьні аконных праёмаў і нішаў разнастайных формаў), гэтая аздоба дробная і вельмі шчыльна пакрывае роўніцы сьценаў. Інтэр’ер аздабляецца разьбой па дрэве.
Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр 513Г000585 |
This article uses material from the Wikipedia Беларуская (тарашкевіца) article Будынак гарадзкога тэатру (Магілёў), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.