Беларускі народны камітэт (БНК) — каардынацыйны орган беларускіх палітычных, грамадзкіх і прафэсійных арганізацыяў.
Быў створаны ў Вільні і дзейнічаў у 1915—1918 гадах на акупаванай Нямеччынай тэрыторыі Беларусі. У БНК уваходзілі прадстаўнікі Беларускай сацыял-дэмакратычнай работніцкай групы, Віленскага камітэту Беларускай сацыялістычнай грамады, Беларускага таварыства дапамогі пацярпелым ад вайны і іншыя. Узначальваў БНК Антон Луцкевіч.
Напачатку БНК прытрымліваўся канцэпцыі Канфэдэрацыі ВКЛ. Пазьней выказваўся за ўтварэньне Беларуска-Летувіскай дзяржавы з унутраным разьмежаваньнем аўтаномных беларускіх і летувіскіх зямель. У чэрвені 1916 году выпрацаваў ідэю Злучаных Штатаў ад Балтыйскага да Чорнага мораў. Гэтую канцэпцыю БНК прадставіў Лазанскай канфэрэнцыі народаў Расеі (1916). БНК удзельнічаў у правядзеньні Беларускай канфэрэнцыі 1918 году ў Вільні. На ёй была выбрана Віленская беларуская рада, якой БНК здаў свае паўнамоцтвы.
This article uses material from the Wikipedia Беларуская (тарашкевіца) article Беларускі народны камітэт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.