Беларускі Дзяржаўны Ўнівэрсытэт Культуры І Мастацтваў
Беларускі дзяржаўны ўнівэрсытэт культуры і мастацтваў (БДУКМ) — вышэйшая вучэльня Менску, заснаваная ў 1975 годзе на аснове бібліятэчнага факультэту Менскага дзяржаўнага пэдагагічнага інстытуту і аддзяленьня культурна-асьветніцкай работы Беларускага тэатральна-мастацкага інстытута.
З 18 красавіка 2008 году пасаду рэктара займае Барыс Сьвятлоў.
| Беларускі дзяржаўны ўнівэрсытэт культуры і мастацтваў | |
| Минский институт культуры, Белорусский университет культуры | |
 | |
| Заснаваны | 4 траўня 1975 (48 гадоў таму) |
|---|---|
| Тып | урадавы |
| Рэктар | Юры Бондар |
| Факультэтаў | 6 |
| Колькасьць пэрсаналу | 300 (2012) |
| Колькасьць студэнтаў | 5 тысячаў (2012) |
| Месцазнаходжаньне | |
| Горад | Менск |
| Краіна | Беларусь |
| Кампус | гарадзкі |
| Былыя назвы | Менскі інстытут культуры (да 30 верасьня 1993 г.), Беларускі ўнівэрсытэт культуры (да 8 кастрычніка 2004) |
| Колеры | срэбраны, чырвоны |
| Талісман | Птушка |
| Знаходзіцца ў складзе | Міністэрства культуры Рэспублікі Беларусь |
| Вэб-сайт | www.buk.by |
Факультэты
Маецца 25 катэдраў, 6 факультэтаў, у тым ліку завочнага навучаньня й дадатковай адукацыі. 3 факультэты маюць магістратуры. Вядзецца падрыхтоўка па 48 спэцыялізацыях.
- Інфармацыйна-дакумэнтных камунікацыяў. Заснаваны ў 1975 годзе. Знаходзіцца ў галоўным корпусе на вул. Рабкараўская, д. 17. Рыхтуе бібліятэкараў, кнігароў, музэязнаўцаў, мэнэджараў ды перакладнікаў. Выпускае магістраў. Мае 4 катэдры: 1) мэнэджмэнту інфармацыйна-дакумэнтнай сфэры, 2) гісторыі і тэорыі інфармацыйна-дакумэнтных камунікацыяў, 3) інфармацыйных рэсурсаў, 4) гісторыі Беларусі і музэязнаўства.
- Культуралёгіі і сацыякультурнай дзейнасьці. Заснаваны ў 1975 годзе. Месьціцца ў галоўным корпусе. Выпускае выкладнікаў культуралёгіі ды мастацтвазнаўства, мэнэджараў ды распараднікаў адпачынку. Рыхтуе магістраў. Мае 6 катэдраў: 1) філязофіі, 2) культуралёгіі, 3) беларускай і сусьветнай мастацкай культуры, 4) пэдыгогікі сацыякультурнай дзейнасьці, 5) мэнэджмэнту сацыяльнай і культурнай дзейнасьці, 6) інфармацыйных тэхналёгіяў у культуры.
- Музычнага мастацтва. Заснаваны ў 1986 годзе. Месьціцца на вул. Маскоўская, д. 18а. Выпускае аранжыроўнікаў, дырыгентаў, музыкаў, прадусараў і сьпевакоў. Рыхтуе магістраў. Мае 6 катэдраў: 1) беларускай народна-песеннай творчасьці, 2) харавога і вакальнага мастацтва, 3) духавой музыкі, 4) мастацтва эстрады, 5) народна-інструмэнтальнай творчасьці, 6) тэорыі музыкі і музычнай адукацыі.
- Традыцыйнай беларускай культуры і сучаснага мастацтва. Заснаваны ў 2003 годзе. Знаходзіцца ў галоўным корпусе. Рыхтуе актораў, балетмайстраў, мастакоў, пастаноўшчыкаў, скульптараў ды танцораў. Мае 5 катэдраў: 1) рэжысуры абрадаў і сьвятаў, 2) харэаграфіі, 3) народнага дэкаратыўна-прыкладнога мастацтва, 4) тэатральнай творчасьці, 5) этналёгіі і фальклёру.
| Факультэт | Год заснаваньня | Разьмяшчэньне | Спэцыялізацыяў | Катэдраў | Завочнае навучаньне | Магістратура |
|---|---|---|---|---|---|---|
| Інфармацыйна-дакумэнтных камунікацыяў | 1975 | Галоўны корпус | 12 | 4 | Ёсьць | Ёсьць |
| Культуралёгіі і сацыякультурнай дзейнасьці | 1975 | Галоўны корпус | 9 | 6 | Ёсьць | Ёсьць |
| Музычнага мастацтва | 1986 | вул. Маскоўская, д. 18а | 16 | 6 | Ёсьць | Ёсьць |
| Традыцыйнай беларускай культуры і сучаснага мастацтва | 2003 | Галоўны корпус | 11 | 5 | Ёсьць | — |
Выпускнікі
- Іна Афанасьева, сьпявачка Маладзёвага тэатру эстрады
- Аляксандар Варламаў, мадэльер
- Зьміцер Гарэлік, кіраўнік Гомельскага абласнога тэатру лялек
- Іван Кірчук, сьпявак і музыка гурта «Троіца»
- Сяргей Кухто, кіраўнік тэлеканала «Лад» (2006—2011)
- Яўген Лашкоўскі, тэлевядоўца АНТ
- Алеся Ярмоленка, сьпявачка гурта «Сябры»
Крыніцы
This article uses material from the Wikipedia Беларуская (тарашкевіца) article Беларускі дзяржаўны ўнівэрсытэт культуры і мастацтваў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.