Аўген Калубовіч

Нарадзіўся ў мястэчку Ціхінічы Рагачоўскага павету, бацька быў службоўцам. Меў брата й тры сястры. Скончыў пачатковую школу ў сваім мястэчку, сямігодку ў Рэчыцы, а ў 1930 годзе пэдтэхнікум у сяле Бабчын Хвойніцкага раёну. Арыштаваны 30 траўня 1930 году за прыналежнасьць да тайнай моладзевай "Беларускай Арганізацыі Альтруістых". У 1930 годзе арыштаваны савецкімі ўладамі, прыгавораны да 3 гадоў лягераў. У 1933 вярнуўся ў БССР. Настаўнічаў у Хойніцкім раёне; быў звольнены, адноўлены на рабоце з дапамогай А. Чарвякова. У 1934—1935 гг. выкладаў беларускую мову і літаратуру ў Менску. У 1939 скончыў Менскі пэдагагічны інстытут, працаваў кансультантам-мэтадыстам Наркамасьветы БССР. З пачаткам Вялікай Айчыннай вайны мабілізаваны ў армію; трапіў пад Масквой у акружэньне; вярнуўся ў Менск. Актыўна ўдзельнічаў у беларускім палітычным і культурным руху падчас нямецкай акупацыі, кіраваў Аддзелам культуры Беларускай Цэнтральнай Рады. У лютым 1944 узначаліў Беларускае культурнае згуртаваньне.

З 1950 жыў у ЗША.

З 1948 па 1953 гг. узначальваў Урад БНР у выгнаньні.

Дасьледваў гісторыю Беларусі XX ст. Аўтар працаў «Мова ў гісторыі беларускага пісьменства», «Айцы БССР і іхны лёс», збору ўспамінаў «На крыжавой дарозе».

• «Калубовіч (Каханоўскі) Аўген». Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1997. — Т. 4: Кадэты — Ляшчэня. — 432 с. — ISBN 985-11-0041-2 — С. 36.
• «Калубовіч (Каханоўскі) Аўген». Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1998. — Т. 7: Застаўка — Кантата. — 604 с. — ISBN 985-11-0130-3 — С. 482.
• Леанід Маракоў. «Аўген Калубовіч». // «Біяграфіі». — Менск: 2012.

• А. Калубовіч — «Айцы» БССР і іхны лёс