Аўга́ні – грашовая адзінка Аўганістана з валютным кодам AFN.
1 аўгані (Af) = 100 пул.
У канцы 19 і пачатку 20 стагодзьдзяў тэрыторыя сучаснага Аўганістана знаходзілась пад уладай Вялікабрытаніі. У грашовым абарачэньні знаходзілісь і індыйскія рупіі, персіцкія крані і расейскія рублі. Мясцовая валюта была ўведзена ў 1880 годзе Абдуррахманам Кахнай і мела назву аўганская рупія ці кабульская рупія. Яна адпавядала 9 грамам серабра. Пасьля атрыманьня незалежнасьці ў 1919 годзе ўлада спрабавала ўвесьці папяровыя грошы.
У 1927 годзе была праведзена валютная рэформа, пад час якой зьявілась новая валюта аўгані якая дзялілась на 100 пулаў. 1 аўгані меў курс 1,1 да аўганскай рупіі і, пачаткова, адпавядаў 10 грамам серабра. У 1978 годзе пасьля ўвядзеньня ISO 4217 аўгані атрымала валютны код AFA.
Бурныя гістарычныя зьмены (падзеньне манархіі, грамадзянская вайна, савецкая акупацыя, урад Талібаў) выклікалі значную дэвальвацыю аўгані. У 2002 годзе 1 даляр ЗША меў вартасьць 46 000 аўгані.
З 2 студзеня 2003 году і на працягу трох месяцаў цягнуўся абмен старых аўгані на новыя па курсу 1000 да 1.
У наш час існуюць банкноты вартасьцю 1000, 500, 100, 50, 20, 10 аўгані і манэты вартасьцю 5, 2 і 1 аўгані.
Інфляцыя ў 2005 годзе склала 16,3%.
Аўгані — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Аўгані, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.