Астроская сотня — адна з 15 сотняў Магілёва і найбольш буйная частка Нагорскага пасаду ў межах Бліжняга валу.
На ейнай тэрыторыі знаходзіліся замак, гандлёвы пляц, будынак магістрату з ратушай, гарадзкая турма, гасьцінны купецкі дом, Спаская царква, пабудаваная першапачаткова ў 1478 годзе з манастыром, і Богаяўленская царква з манастыром, пабудаваная ў 1636 годзе, першы каталіцкі фарны касьцёл, пабудаваны ў 1610 годзе на месцы цяперашняй ATС, езуіцкі касьцёл, пабудаваны ў 1680-1690 гадох, цэхавыя будынкі брацтваў. Тут жа пры цэрквах і касьцёлах разьмяшчаліся прыходзкія могілкі.
У гэтай сотні жыла найбольш заможная частка насельніцтва: купцы, сябры магістрату, шляхта і духавенства, дамы якіх не захаваліся. Да яе ж адносілася насельніцтва, якое жыло пад Замкавай гарой на левабярэжжы Дубравенкі ад вусьця да маста па вуліцы Лазарэнкі.
Шчыльна забудаваныя вуліцы (Вялікая Шклоўская, Спаская, «Няхведаўская» і інш.) утваралі невялікія кварталы няправільнай формы. У 1604 годзе ў сотні было 110 прыватнаўласьніцкіх зямельных надзелаў.
Цяпер на тэрыторыі былой сотні знаходзяцца парк імя Максіма Горкага, плошча Славы, пачатак Першамайскай і Ленінскай вуліцаў да Камсамольскай, вуліцы Вал Чырвонай Зоркі (да вуліцы Болдзіна), а таксама цяперашні спуск да Дняпроўскага маста.
This article uses material from the Wikipedia Беларуская (тарашкевіца) article Астроская сотня, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.