Астраха́нская во́бласьць (па-расейску: Астраханская область) — вобласьць на поўдні Расеі.
Адміністрацыйны цэнтар — места Астрахань. Вобласьць уваходзіць у Паўднёвую фэдэральную акругу, мяжуе з Валгаградзкай вобласьцю на поўначы, з Калмыкіяй на захадзе й з Казахстанам на ўсходзе, акрамя таго мае выхад да Касьпійскага мора. Колькасьць насельніцтва на 2010 год складала 1 010 679 чалавек.
Астраханская вобласьць | |
Астраханская область | |
Герб | Сьцяг |
Агульныя зьвесткі | |
---|---|
Краіна | Расея |
Статус | вобласьць |
Уваходзіць у | Паўднёвая фэдэральная акруга Паволскі эканамічны раён |
Адміністрацыйны цэнтар | Астрахань |
Дата ўтварэньня | 27 сьнежня 1943 |
Губэрнатар | Аляксандар Жылкін |
Насельніцтва (2010) | 1 010 679 (56-е месца) |
Шчыльнасьць | 20,6 чал./км² |
Плошча | 49 024 км² (55-е месца) |
Месцазнаходжаньне Астраханскай вобласьці | |
Мэдыя-зьвесткі | |
Часавы пас | GMT +3 |
Код ISO 3166-2 | RU-AST |
Код аўтам. нумароў | 30 |
Афіцыйны сайт | |
Дадатковыя мультымэдыйныя матэрыялы |
Астраханская вобласьць разьмешчана на паўднёвым усходзе Ўсходне-Эўрапейскай раўніны ў межах Прыкасьпійскай нізіны, ува ўмераных шыротах, у зоне пустэльняў і паўпустэльняў, якія выкарыстоўваюцца ў асноўным як пашы. Вобласьць вузкай паласой працягнулася па абодва бакі ад Волга-Ахтубінскай поймы на адлегласьці больш за 400 км. Заліваемыя полымі водамі на працяглы пэрыяд прасторы дэльты служаць нерасьцільнямі для важных прамысловых рыбаў — асётра, сяўругі, бялугі й іншых.
Прыродныя рэсурсы вобласьці прадстаўлены прыродным газам, солямі, гіпсам. Запасы нафты можна ацаніць прыкладна ў 300 млн тонаў, глыбіня ейнага заляганьня вагаецца ад 2 да 5 км. У 1950-х гадох было адчынена прамысловае газавае радовішча, што паклала пачатак газафікацыі Астрахані й шэрагу пасёлкаў.
У старажытныя часы на тэрыторыі сучаснай Астраханскай вобласьці праходзілі гандлёвыя шляхі пэрсаў і арабаў. У VIII—X стагодзьдзях тэрыторыі ўваходзілі ў склад Хазарскага каганату. Існуюць здагадкі, што на тэрыторыі сучаснай Астраханскай вобласьці была разьмешчана сталіца Хазарскага каганату Ітыль, якая была разбураная князем Сьвятаславам у 965 годзе. Пазьней тут расьсяліліся полаўцы, якіх у першай палове XIII стагодзьдзя зьмянілі мангола-татары.
У 1558 годзе Астраханскае ханства было далучана да Расейскай дзяржавы. Астраханскі край зьяўляўся паўднёва-ўсходнім вайсковым фарпостам Расейскай дзяржавы. У прыватнасьці, у 1569 годзе туркі беспасьпяхова абложвалі Астраханскую крэпасьць. У 1597 годзе ў Астрахані было завершана распачатае ў 1578 годзе будаўніцтва Спаса-Праабражэнскага мужчынскага манастыра.
У XVII стагодзьдзі ў Астраханскім краі ішло разьвіцьцё гандлю, рыбнага й салянага промыслаў. У сярэдзіне стагодзьдзя на тэрыторыі Астраханскага краю праходзіла паўстаньне Сьцяпана Разіна.
Паводле перапісу насельніцтва 2010 году колькасьць жыхароў вобласьці складала 1 010 679 чалавек. Большасьць насельніцтва складаюць расейцы (67,6%), другой па велічыні нацыянальнай групай зьяўляюцца казахі (16,3%). Вобласьць мае самую вялікую казаскую абшчыну ў Расеі. Таксама ў вобласьці пражываюць шмат татараў (6,6%).
Астрахань ёсьць галоўны прамысловы цэнтар вобласці. Прамысловы комплекс гораду прадстаўлены суднабудаваньнем, цэлюлозна-папяровай вытворчасьцю, рыбаперапрацоўчай прамысловасьцю. Лідыруючыя галіны прамысловасці — машынабудаваньне, электраэнэргетыка, харчовая прамысловасьць. У рэгіёне практычна невычэрпныя запасы газу, нафты й серы, але ў цэлым прамысловасьць гораду застаецца стратнай. У асноўным гэта ўплыў паліўнай прамысловасьці, на долю якой прыпадае трэць стратаў прамысловасьці, а таксама падгаліны машынабудаваньня суднабудаўнічая, радыёпрамысловасьці й электраэнэргетыкі. Пры гэтым страты прамысловасьці ў параўнанні з 2002 годам скараціліся на 28,9%.
Астраханская вобласьць — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Астраханская вобласьць, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.