Антон Аўсянік (13 чэрвеня 1888?, Кабыльле, Вялейскім павеце — 1933?, СССР) — левы палітык, нацыянальны дзяяч і інжынэр беларускай нацыянальнасьці, дзяржаўны дзяяч Беларускай Народнай Рэспублікі, у 1918—1919 гады сябра Рады БНР, Прэзыдыюму Рады БНР, Народнага сакратарыяту Беларусі; адзін з інцыятараў стварэньня беларускіх вайсковых атрадаў у складзе Польскага войска, у 1919—1920 гады сябра, а пазьней віцэ-старшыня часовага прэзыдыюму Беларускай вайсковай камісіі; у 1920 годзе паўнамоцны прадстаўнік БНР у Летувіскай рэспубліцы; прадстаўнік беларускай нацыянальнай меншасьці ў Польскай Рэспубліке (ІІ Рэчы Паспалітай), з 1922 пасол на Сойм Польскай рэспублікі І ськліканьня.
Антон Аўсянік | |
Асабістыя зьвесткі | |
---|---|
Нарадзіўся: | 13 чэрвеня 1888 |
Памёр: | каля 1933 |
Партыя: | |
Адукацыя: |
|
Нарадзіўся 13 чэрвеня 1888 году ў вёсцы Кабыльле ў гміне Альковічы Вялейскага павету Віленскай губэрні Расейскай імперыі (цяпер вёска Акцябарская ў Вялейскім раёне Беларусі). Паходзіў зь сялянскай сям’і, вучыўся ў мясцовых школах. Сканчыў тэхналягічны інстытут у Харкаве, а пазьней вучыўся на факультэце будовы караблёў Пецярбурскага політэхнічнага інстытуту (паводле некаторых крыніцаў скончыў гэтую ВНУ). Атрымаў ступень інжынэра.
Калі быў у Пецярбургу, увайшоў у Беларускую сацыялістычную грамаду і пачаў дзейнасьць у беларускім нацыянальным руху. Некалькі гадоў працаваў у Бабруйску, дзе стварыў беларускія грамадзкія і палітычныя арганізацыі. Удзельнічаў у адборы дэлегатаў на Першы Ўсебеларускі кангрэс, паводле адной з крыніцаў быў таксама яго ўдзельнікам у сьнежні 1917 году.
У 1930-я гады зьехаў у БССР, арыштаваны і верагодна забіты на загад савецкіх уладаў.
This article uses material from the Wikipedia Беларуская (тарашкевіца) article Антон Аўсянік, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.