Андру́сь Такінда́нг (нар.
4 верасьня 1983, Менск, БССР) — беларускі мастак, музыка, паэт, тэлевядоўца.
Андрусь Такінданг | |
Дата нараджэньня | 4 верасьня 1983 (40 гадоў) |
---|---|
Месца нараджэньня | |
Грамадзянства | Беларусь |
Месца вучобы | |
Прафэсія | мастак, рэстаўратар, сьпявак, музыка |
Гады дзейнасьці | 2003 — цяпер |
Жанры | фольк-мадэрн, ска-джаз-рэгі-панк |
Інструмэнты | домра |
Гурты | «Recha», «Гаротніца» |
Нарадзіўся ў сям’і беларускі і ўраджэнца Чаду, які навучаўся ў СССР на фізыка. Дзяцінства правёў у вёсцы Чэрцы на Віцебшчыне, дзе скончыў пачатковую школу. Вярнуўшыся ў Менск, скончыў Гімназію-каледж мастацтваў імя Ахрэмчыка (1994—2002; 12Б кляса), дзе абараніў дыплёмную працу па-беларуску, і Беларускі дзяржаўны ўнівэрсытэт культуры. Працуе мастаком-рэстаўратарам і грае ў гурце фолькмадэрновай музыкі «Recha», а таксама ў «ска-джаз-рэгі-панк» гурце «Гаротніца». Жыве ў менскім мікрараёне Сокал.
19 кастрычніка 2013 атрымаў (разам зь Дзянісам Міжуем) узнагароду «Бронзавая бульба» фэстывалю беларускіх відэа- і кінафільмаў «Бульбамуві» за анімацыйны фільм «Горад» (аб уплыве мастацтва на людзей).
У 2013 годзе рэжысэр Ігар Чышчэня стварыў на студыі «Летапіс» дакумэнтальны фільм «Андрэй Такінданг. Спыняюся ў сярэдзіне».
This article uses material from the Wikipedia Беларуская (тарашкевіца) article Андрусь Такінданг, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.