Аляксей Глебаў

24 сакавіка [ст. ст. 11 сакавіка] 1908, в. Зьвяровічы, цяпер Смаленская вобл., — 2 кастрычніка 1968 году, Менск) — беларускі скульптар, народны мастак БССР (1955 год).

Аляксей Глебаў
Дата нараджэньня	24 сакавіка 1908
Месца нараджэньня	Зьвяровічы, Смаленская губэрня, Расейская імпэрыя
Дата сьмерці	2 кастрычніка 1968
Месца сьмерці	Менск
Месца пахаваньня	Усходнія могілкі
Адукацыя	Менская мастацкая вучэльня
Месца вучобы	Віцебская народная мастацкая вучэльня[d] (1930)
Занятак	скульптар
Навуковая сфэра	скульптура і партрэт
Месца працы	Беларуская дзяржаўная акадэмія мастацтваў
Жанры	скульптура
Плынь	партрэтная, сюжэтна-кампазыцыйная і манумэнтальная плястыка
Узнагароды
Аляксей Глебаў у Вікісховішчы

Вучыўся ў Віцебскім Мастацкім тэхнікуме з 1926 да 1930 году ў Міхаіла Керзіна. Пад час вучобы Глебаў стаў любімым вучнем Керзіна. Прывязаўшыся да вучня, Керзін запрасіў яго да ўдзелу ў аздабленьні Дому ўраду ў Менску ў 1933 годзе.

З пачаткам Другой Сусьветнай вайны Аляксей Глебаў быў прызваны на фронт, дзе быў цяжка паранены.

На працягу 1967 і 1968 гадоў, апошніх гадоў свайго жыцьця, Аляксей Глебаў працаваў над мадэляй помніка Францішку Скарыну. Але сам помнік зьявіўся ў Полацку ўжо пасьля сьмерці мастака.

Выкладаў у Беларускім тэатральна-мастацкім інстытуце ў 1955—1968 г.г. Глебаў працаваў у вобласьці партрэтнай, сюжэтна-кампазыцыйнай і манумэнтальнай плястыцы.

• Група «Грамадзянская вайна ў Беларусі» (гліна, 1937—1940 г.г.), не захавалася
• Конная статуя Льва Даватара (гіпс, 1945 год), абласны краязнаўчы музэй, Віцебск
• «Максім Горкі і Янка Купала» (гіпс, 1947 год), музэй Янкі Купалы, Менск.
• Партрэт В. Уладамірскага (бронза, 1949 год), Мастацкі музэй Беларусі, Менск.
• Партрэт Янкі Купалы (гіпс, 1949 год), Мастацкі музэй Беларусі, Менск.
• Георгій Скарына (дрэва, 1954 год), Мастацкі музэй Беларусі, Менск.
• «Пасьля працы. Улікоўшчыца» (бронза, 1957 год).
• Група «Сустрэча Уладзіміра Леніна на Фінландзкім вакзале ў красавіку 1917 году» (гіпс, 1957—1958 г.г.), Мастацкі музэй Беларусі, Менск.
• Рэльеф «Партызаны Беларусі» (бронза, 1954 год), для помніка вайскоўцам Савецкай Арміі і партызанаў у Менску.
• «Юнацтва», (дрэва, 1963 год).

• Выява скульптуры «Георгій Скарына» на сайце Вялікай Савецкай энцыкляпэдыі
• Большая советская энциклопедия