Алена Богдан: беларуская лекарка, дзяржаўная дзяячка

Вікіпэдыя мае артыкулы пра іншых асобаў з прозьвішчам Богдан.

2 траўня 1973 г.) — дзяржаўная дзяячка Беларусі.

Лекарка, першая намесьніца міністра аховы здароўя Рэспублікі Беларусь (2020—2021), старшыня грамадзкага аб’яднаньня «Беларускі саюз жанчынаў» (з 2020).

Нарадзілася ў вёсцы Дзівін Кобрынскага р-на. У 1996 г. скончыла Беларускі мэдычны інстытут. Прайшла перападрыхтоўку ў Беларускай мэдычнай акадэміі пасьлядыплёмнай адукацыі па спэцыялізацыі «Арганізацыя аховы здароўя».               

З 2006 па 2009 зьяўлялася намесьніцай галоўнага лекара Менскай дзіцячай абласной клінічнай лякарні. У 2009 годзе заступіла на пасаду начальніцы аддзелу медычнай дапамогі мацярам і дзецям Міністэрства аховы здароўя. Займала пасаду начальніцы Галоўнай ўправы арганізацыі мэдычнай дапамогі і экспэртызы Міністэрства аховы здароўя Рэспублікі Беларусь.

З 2020 па 29 кастрычніка 2021 года працавала першым намеснікам міністра аховы здароўя Рэспублікі Беларусь.

Зьяўляецца старшынёй грамадзкага аб’яднаньня «Беларускі саюз жанчынаў» з 2020 г.

У 2021 г. пераабрана на новы тэрмін па выніках VII Рэспубліканскай справаздачна-выбарчай канфэрэнцыі гэтага грамадзкага аб’яднаньня.

Супрацоўнічала з рознымі міжнароднымі арганізацыямі ў рамках асноўнай дзейнасьці (Дзіцячы фонд ААН, Фонд ААН у галіне народанасельніцтва, дабрачынныя фонды, грамадзкія арганізацыі).

У 2011 г. была адной з кандыдатак у склад Камітэту палітыкі і каардынацыі Спэцыяльнай праграмы навуковых дасьледаваньняў, распрацовак і падрыхтоўкі навуковых кадраў у галіне ўзнаўленьня насельніцтва Сусьветнай арганізацыі аховы здароўя.

• http://www.blood.by/news/elena-bogdan-v-lyudyah-stv
• https://web.archive.org/web/20201009035619/http://minzdrav.gov.by/ru/sobytiya/kommentariy-po-povodu-rezonansnogo-sluchaya-v-g-berezino/