Syudad Nin Nueva York
An Syudad nin Nueva York (Ingles: New York City) sarong syudad na namumugtak sa sur-subangan kan estado nin Nueva York.
Ini an pinakamatawo na syudad sa Estados Unidos asin sarô sa mga pinakamatawo sa enterong kinàban. An Nueva York iyo an sarô sa mga sentrong pankinaban nin negosyo, finanza, ley asin prensa, asin importanteng sentro ini kan kultura ta dakulon an mga museo asin galleria digdi. Ini man an harong nin Naciones Unidos asin tahaw ini nin actividad na diplomatiko.
   | |
| An wagayway, mga panandaan, asin sarong dalan sa Nueva York |
Kan 2019, an populasyon kaini ipinapamugtak sa sobrang 8,336,817 katawo. Parati inaapod ining New York City ngane ma'iba sa Estado kan Nueva York, na kun saen an syudad ka'parte sana. An 36% kan mga nakaistar sa Nueva York iyo pinangaki sa luwas nin Estados Unidos, asin pigeestima na sobra sa 250 na tataramon an piggagamit digdi.
Agi-agi
An Nueva York natogdas bilang sarong sentro nin komersyo kan mga Olandes kan 1624. Kaidto inaapod ining New Amsterdam alagad naiba an pangaran kan an mga Ingles nasakop ini. An Nueva York nagsirbeng kabisera kan Estados Unidos poon 1785 abot 1790. Sinasabing poon pa kan 1790, ini na an pinakadakulang syudad kan Estados Unidos hanggan ngonyan.
Heograpiya
Komponido kan Nueva York an limang distrito na pigaapod digdi na mga boroughs:The Bronx, Brooklyn, Manhattan, Queens asin Staten Island. Nakamogtak an syudad sa ngimot nin Salog nin Hudson. HUli sa pagmomogtak kaini sa Salog asin baybayon, nagin importanteng sentro an Nueva York nin negosyo.
An pinaká bistadong monumento nin syudad iyo an Estatua nin Libertad na nakamogtak sa Liberty Island, sarong isla sa puerto kaining syudad. Apwera sa Estatua nin Libertad bistado man an Empire State Building asin an dating World Trade Center, binomba nin Al Qaeda kan 2001.
Klima
An klima nin Nueva York pigaapod na Kontinental na Dumog (Humid Continental). An temperatura sa pinakámainit na bulan nin Hulyo iyo 29 na grado sa aldaw asin 21 sa banggi. An temperatura sa pinakámalipot na bulan nin Enero iyo 3 na grado sa aldaw asin menos -3 na grado sa banggi.
Panluwas na takod
- Opisyal na websityo
- NYC Go, opisyal na panturismong websityo kan Syudad nin Nueva York
- New York City sa Curlie
Heograpikong datus manongod sa Syudad nin Nueva York sa OpenStreetMap.- Collections, 145,000 NYC na mga retrato sa Museum of the City of New York
- "The New New York Skyline". National Geographic. November 2015. (Interactive.)
This article uses material from the Wikipedia Bikol article Syudad nin Nueva York, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.