Soledad
An Soledad (boot sabihon, 'pagkapungaw) sarong rito kan mga Kristyanong Katoliko tuyong Semana Santa sa pagromdom kan si Santa Maria nabayaan na kan aki niyang si Hesukristo huli ta an huri ipinagadan paagi nin pagpako sa krus kan mismong mga Hudyo.
An ritong ini parati ginigibo kun bangging Biyernes Santo kun saen may prusisyon asin sa mga ikinaag na mga istasyon nin pangadyean sa palibot nin banwaan o syudad napondo an prusisyon. Igdi napangadye asin nakanta sa pagpukaw sa mga deboto nin malodok na paghorophorop kan inaagihan soboot na makuring pongaw asin paglogologo ni Inang Santa Maria huli sa mangirhat na pangyari sa saiyang aki na pigkrusipihiyo huli sa soboot sa pag'ako na siya sarong Hade kan Hudyo asin sarong Diyos.
An nag'aakompanyar sa prusisyon nin Soledad iyo an Estudiantina, sarong grupo nin mga musikero na haloy nang natogdas, kan 1910 pa asin iyo an pinakaenot na grupong rondalla sa ronang Bikol.
An ritong ini makusog pang ipinapasunod sa mga boro-banwaan sa Filipinas, orog na igdi sa Syudad nin Naga.
This article uses material from the Wikipedia Bikol article Soledad, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.