Sibilisasyon Kan Kababan Kan Indo
An Sibilisasyon kan Kababan kan Indo o Sibilisasyon kan Indo (Ingles: Indus Civilisation o Indus Valley Civilisation) iyo sarong sibilisasyon sa Panahon nin Bronse sa mga norte-solnopang rehiyon kan Sur na Asya, na naghaloy poon 3300 BCE hasta 1300 BCE, asin sa mabaskog na porma poon 2600 BCE hasta 1900 BCE.
Kaiba an suanoy na Ehipto asin Mesopotamya, ini iyo saro sa tolong enot na silibisasyon sa Haraning Subangan asin Sur na Asya, asin sa tolo, iyo an pinakalakop, an mga sityo kaini iyo minalakop sa hiwas poon sa ngunyang norte-subangang Afghanistan, sa kadaklan nin Pakistan, asin pasiring sa solnopan asin norte-solnopang Indya. Nag-usawag ini sa gilid kan Salog Indus, na minabulos sa laba kan Pakistan, asin sa sistema nin perenyal, harus inuuran, na salog na sa sarong beses minakurso sa bisinidad kan panahonang salog nin Ghaggar-Hakra sa norte-solnopang Indya asin subangang Pakistan.
.png)
An mga syudad kan sibilisasyon iyo nanutaran sa saindang pagplanong urban, harong na igwa nin piglutong bloke, marhay na sistemang pag-apon, sistemang suplay nin tubig, durukutan na darakulang dae-residensyal na edipisyo, asin bagong teknik sa gibuhong kamot (carnelian na produkto, seal carving) asin metalurhiya (tanso, bronse, tingga, asin lata). An mga darakulang syudad nin Mohenjo-daro asin Harappa nagdakula para erokan nin 30,000 hasta 60,000 na indibidwal, asin asin sibilisasyon mismo durante sa kakusogan kaini pwede pig-erokan nin saro asin limang milyong mga indibdwal.
Kan 2002, harus 1,000 na mabaskog na syudad asin pig-erokan sa Harappa an naireport, kun sain kulang sana sa sanggatos an nakalot. Alagad, igwa sana nin limang mayor na urbanong mga sityo: An Harappa, Mohenjo-daro (UNESCO World Heritage Site), Dholavira, Ganeriwala, asin Rakhigarhi. An suanoy na kultura sa Harrapa iyo pigsundan kan mga lokal na Neolitikong agrikultural na kahararongan, kun sain an mga salog na kapatagan an pig-erokan.
An tataramong Harappano iyo dae pang direktang napatotoohan, asin an apilyasyon kaini dae pa nakakasiguro huli ta an iskriptong Indus dae pa naaaraman an totoo. An relasyon sa Drabidyano o Elamo-Drabidyanong pamilya nin tataramon iyo pigpaboran nin sarong seksyon nin mga iskolar.
Mga panluwas na takod
| An Wikivoyage igwang saróng giyang panbiyahe para sa Mohenjo-daro. |
| An Wiki Commons igwa nin medya dapit sa Sibilisasyon kan Indo. |
| An Wikiquote igwa nin mga pagsambit na relatibo sa: Sibilisasyon kan Kababan kan Indo |
Toltolan
This article uses material from the Wikipedia Bikol article Sibilisasyon kan Kababan kan Indo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.