Miguel Luis Villafuerte
Si Miguel Luis Migz R.
Villafuerte (namundag, Enero 21, 1989) sarong modelo, negosyante asin politiko sa Filipinas. Siya an presenteng Representante kan Ikalimang Distrito kan Camarines Sur poon 2022. Dati siyang Gobernador kan Camarines Sur asin an pinakahubin na nagtukaw nin pagkagobernador sa Filipinas sa edad na 23 anyos kan ginana niya an eleksyon 2013 para sa siring na katongdan.
| Miguel Luis R. Villafuerte | |
|---|---|
 | |
| Si Villafuerte kan 2017 | |
| Gobernador kan Camarines Sur | |
| Inkumbent | |
| Pagtukaw sa pwesto Hunyo 30, 2013 | |
| Suminunod ki | Luis Raymund Villafuerte, Jr. |
| Personal na mga detalye | |
| Kamundagan | Enero 21, 1989 Manila |
| Nasyunalidad | Filipino |
| Partido politikal | Partido Nacionalista (2012 - Presente) |
| Mga karelasyon | Luis Villafuerte, Sr. (lolo) Luis Raymond Villafuerte (ama) Lara Reyes Villafuerte (ina) |
| Dinakulaan | Pili, Camarines Sur |
| Alma mater | Unibersidad kan San Diego |
| Kasibotan | Politiko |
| Trabaho | Modelo |
| Pagtubod | Romano Katoliko |
Siya nagtukaw sa saiyang ikatolong termino sa pagkagobernador kan otro niyang ginanahan an pwesto para gobernador kan eleksyon 2016. Siya an matuang akì ni Luis Raymund Villafuerte, Jr. asin makuapò ni Luis Villafuerte, Sr.
Personal na buhay
Pinangaki kan Enero 21, 1989 sa Pili Camarines Sur. Si Migz Villafuerte iyo an pinakamatua na aki kan dating gobernador na si Luis Raymond Villafuerte asin Lara Reyes. Si Miguel Luis makuapo kan dating representante kan Ikatulong Distrito kan Camarines Sur na si Luis Villafuerte Sr. An saiyang ina na si Lara Reyes Villafuerte sarong negosyante. Nagpapadalagan siya nin sarong tindahan nin manga bado (JungleFace) saka may sadiring wakeboard park sa Nuvali, Laguna.
Tagapadalagan si Villafuerte kan negosyong Republic asin nagtapos nin Political Science sa Unibersidad kan San Diego sa California, Estados Unidos. An saiyang naagom iyo si Rachel Peters, sarong Briton-Filipino na nagin Miss Universe-Philippines 2017.
Edukasyon
Inot na nagklase si Villafuerte sa De La Salle University sa kursong business administration bago nagbalyo sa kursong Political Science sa University of San Diego. Buminalyo siya nin kurso ta namuya siya sa kurso na Law na dai niya naipadagos ta duminalagan na siya sa pagka-gobernador kan Camarines Sur.
Pagkagana sa eleksyon
Ginana ni Villafuerte an pagka-gobernador kan Mayo 2013 eleksyon na may bilang na 170,841 boto na kun sain naglamang siya sa minaabot na 40,000 boto sa saiyang lolo na si Rep. Luis Villafuerte.
Mga proyekto sa Camarines Sur
Mga prayoridad na proyekto ni Migz :
- Libreng paiskwela sa mga tikapo.
- Patubig sa manga kaomahan.
- Mga klasrum sa iskwelahan sa mga barangay.
-
Si Villafuerte mantang nagtataram sa publiko -
Selebrasyon kan ika-119 Taon nin Katalingkasan, Minalabac, Camarines Sur (2017)
Toltolan
| Suminunod ki Luis Raymund Villafuerte, Jr. | Gobernador kan Camarines Sur 2013 – 2016 | Sinundan ni Inkumbent |
This article uses material from the Wikipedia Bikol article Miguel Luis Villafuerte, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.