Si Dr.
Maria Lilia Fuentebella Realubit (Oktobre 22, 1930 - Agosto 17, 2017) sarong Bikolanang parasurat, retiradong propesor kan Kolehiyo nin Edukasyon kan Unibersidad kan Pilipinas asin resipyente kan Alagad ni Balagtas gikan sa Unyon ng Mga Manunulat sa Pilipinas (UMPIL), asin Masirang na Bituon kan Kabikolan (Lifetime Achievement Award) sa inot na Premio Tomas Arejola para sa Literaturang Bikolnon kan 2004. Siya an kagmuknâ kan Kabulig Bikol asin Bikol Heritage Society, Inc.
Maria Lilia Fuentebella Realubit | |
---|---|
Kasibotan | Paratukdô, parasurat, kritiko |
Nasyunalidad | Filipino |
Lahì | Bikolano |
Alma mater | Unibersidad kan Pilipinas |
Genre | Pagsaligsig |
Bantog na gibo | Bikols of the Philippines (1983); Bikol Literary History (1999) |
Mga bantog na gawad | Alagad ni Balagtas; National Book Awarde (1987); Masirang na Bituon kan Kabikolan, Premio Tomas Arejola para sa Literaturang Bikolnon (2004) |
Kabali sa mga naisurat niya iyo an pagpalis niya sa Ingles kan obra kultural ni Mariano Goyena del Prado an Ibalon: Ethnohistory of the Bikol Region (1981) (Ibalon: Monografia historica de la region bicolana), Bikol Dramatic Tradition (1976), Bikols of the Philippines (1983), Philippine Drama: Twelve Plays in Six Regional Languages (1987), Journal of Bikol Writing (1994), Bikol Literary History (1999), Haliya: Anthology of Bikol Poets and Poems (1999) asin Jose T. Fuentebella: Nationalist and Statesman (2004). Kan Pebrero 2011, ipigbungsod niya an saiyang Bikol Poetry Galore At Last A Report, sarong kritika sa mga bagong rawitdawit. Resipyente si Realubit kan National Book Award (1987) para sa saiyang librong Philippine Drama: Twelve Plays in Six Regional Languages.
Siya nagtapos nin Master in Literature sa Unibersidad kan Pilipinas-Diliman kan 1962 asin Master in Linguistics sa Unibersidad kan California sa Los Angeles bilang sarong iskolar nin Fullbright-Hays (1964-1966), asin nagkua nin Doctor in Philippine Studies sa Unibersidad kan Pilipinas-Diliman (1985).
Nagin siyang representante kan Bikol sa Arteng Panliteratura sa irarom kan Nasyunal na Komisyon sa Kultura asin Arte (NCCA).
Nagadan si Realubit huli sa helang na kanser sa halanohan.
Suminunod ki – | Representante kan Bikol sa Nasyunal na Komisyon para sa Kultura asin kan Arte para sa Nasyunal na Komite sa mga Arteng Panliteratura – 2003 | Sinundan ni Rudy Alano (Representante kan Sur nin Luzon) |
This article uses material from the Wikipedia Bikol article Maria Lilia Realubit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.