An Kalye Elias Angeles sarong tinampo namomogtak sa siyudad nin Naga, Camarines Sur, Filipinas.
Ini pigngaran ki Elias Angeles sa pagtaong onra saiya bilang siya an lider kan Gwardya Sibil, katuwang si Felix Plazo, na nagkamit para sa ronang Kabikolan nin katalingkasan sa gobyernong kolonyal kan mga Espanyol. Sarong halabaon na tinampo, ini napoon sa pagkasarapong kan Kalye Bagumbayan asin Kalye Jacob sa tongod kan Unibersidad de Sta. Isabel asin natapos sa pampang kan Salog Naga pakabaktas kaini sa Kalye Caceres.
Ini sarong mayor na tinampo sa siyudad, masabing sarong kabaroyan inaapod kan enot na mga panahon asin dusok sa mga pwestong komersyal. Sa sarong poro kan tinampong ini yaon natipon an mga institusyon kan Simbahan Katoliko: an Naga Metropolitanong Katedral nin Naga, Holy Rosary Minor Seminary asin an Palasyo Arsobispado nin Caceres.
Igdi man nakaatubang an lumang harong ni Ernesto Abella, an Ramaida Centrum, an Bodega Home, an dakulang mall, an E-mall, an Naga Land Hotel, an Plasa Quince Martires, an McDonalds Restaurant, an Biggs Restaurant, an haloyon nang Quality Bakery, an Starview Hotel, an Jollibee, an Plasa Quezon, an New Crown Hotel, an Aristocrat Hotel, an Regent Hotel, an Panelo Building, an Ignacio Building, asin sa poro sa harani na sa salog, nahanggilid an edipisyo kan Bank of the Philippine Islands.
This article uses material from the Wikipedia Bikol article Kalye Elias Angeles, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.