Idrohino
An idrohino, hidroheno, o idroheno (Spanish: hidrogeno, Ingles: hydrogen) iyo an enot na elementong kimikal sa talaang peryodiko.
An simbolo kaini iyo H asin may bilang atomiko na 1.
Nadiskobre ini ni Henry Cavendish kaidtong 1766. Kabale man sa mga karakter kaini an pagkakaigwa nin atomikong bilang na 1, atomikong gabat na 1.00797, punto nin pagkatunaw na 259.14 °C, punto nin pagkalakaga na 252.5 °C, densidad na 0.08988 gramo sa kada litro, asin balensiyang 1.
Sa ordinaryong temperatura asin presyon an idrohino iyo mayong kulay, mayong parong, dae metaliko, igwang sarong balensiyang elektron, asin marikas magkalayo kun nasa porma nin diyatomikong gas (may duwang atomo). Ini man ang pinakamagian asin pinakadakol o pinakalakop na elementong natural sa bilog na kinaban asin magin sa bilog na uniberso. Mahihiling an idroheno sa tubig asin sa gabos na organikong kompuwesto asin magin sa gabos nin may buhay. Ang idroheno man iyo may kakayahan na magkaigwa nin reaksyon sa kimikal na paagi sa kadakulon na mga elemento. Magin an mga bituon iyo igwang mga idroheno sa saindang plasmang estado. An elemento man na ini an ginagamit sa paggibo nin amonya — sarong alternatibong panggatong asin sa presente iyo mas epektibong ginikanan nin mga selulang panggatong (mga fuel cell).
Hilingon man
Toltolan
| An Wiki Commons igwa nin medya dapit sa Hydrogen. |
This article uses material from the Wikipedia Bikol article Idrohino, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.