Homosekswalidad

Ini parte kan katangian o katawuhan kan sarong tawo. Bilang sarong sekswal na orientasyon, nagtutukoy an homosekswalidad sa "permanenteng pagmama'wot na makaranas nin sekswal o romantikong atraksyon" pangenot o daing-siring sa mga tawong may siring na tawuha. "Nagpapanongod man ini sa pagkakamidbid na pampersonal o pankomunidad segun sa mga naunambitan na atraksyon, mga hiro na ipinapahiling ninda, asin sa pag-apil sa komunidad kun sain sinda kabali."

Saro an homosekswalidad sa tulong pangenot na klase nin sekswal na orientasyon, kaiba kan bisekswalidad asin heterosekswalidad. Segun sa mga siyentipiko asin sa pagkasabot medikal, an oryentasyon na sekswal iyo bakong pinipili, alagad iyo sarong komplikadong pagsaralak kan mga dahilan na biolohiko asin pangkapalibotan. Maski igwa pa man nagtutubod na an mga gibong homosekswal iyo "bakong natural" o "dispunksyunal", ipinapahiling kan mga pagsasaligsig na an homosekswalidad iyo sarong halimbawa kan normal asin natural na klase kan sekswalidad kan tawo asin bako kan sarong epekto kan negatibong pag-iisip. An panghuhusga asin diskriminasyon kontra sa mga tawong homosekswal asin bisekswal (homopobya) siring man iyo nagpapahiling kan sarong dakulang epekto pang-sikolohikal, asin mas urog pang nakakaraot sa mga aking homosekswal asin bisekswal.

Pinakatalamak na katagang piggagamit sa mga tawong homosekswal an lesbyan o tomboy para sa mga babae asin bakla o beki para sa mga lalaki. An bilang kan tawo na nagsasabi na sinda sarong bakla o lesbyan asin an bilang kan tawong may karanasan na sekswal sa siring na tawuha iyo masakit sukulon para sa mga parasaligsig huli sa manlain-lain na mga kadahilanan, kabilang na an dakul na mga bakla an bakong bukas sa pagbiklad huli sa resulta kan homophobia asin diskriminasyon na heteroseksismo. An mga hiro na homosekswal iyo naidokumento asin naitala man sa dakul na espesye nin hayop.

Dakul na mga bakla asin lesbyana an tapat sa mga pakiki-ayon kan kaperehong tawuha, alagad kan nakaagi pa sana nagkaigwa nin mga klase nin senso asin kaisipan na pampolitika na magsasagibo nganing ipahiling an saindang hanay.