Marajė Kerė: JAV dainėninkė

Mariah Carey) (gėmė 1969 m. kuova 27 d.) JAV dainėninkė, dainu rašītojė, mozėkas prodiuserė, mozėkas klėpo rezėsiėrė ėr aktourė.

Kerė gėmė Huntingtonė, Long Islandė, Niujorkė. Ana bova trets vāks šeimuo. Mama - Patricia Hickey, airiū kėlmies amerėkuonė, bovosė opėras solėstė, tievs - Alfred Roy Carey afro-amerėkietiu ė venėsoulietiu kėlėma, aeronautėkas ėnžėnėrios. Kerė ožauga daugekoltūrie, katalėko šeimuo. Tonkē diel ton priežastiu, anuos šeima torėje kėistė gėvenamas vėitas. Dėdlės ėšuorėnės spaudėms, prėspaudė anuos tėivos ėšsėskėrtė, tonmet Kerė tebōva 3 metā.

Jaunīstie Kerė slabnē palaikė rīšios so muotėna, a tėivo anie daug dėrba, ka galietom ėšlaikītė šėima. Būdama vāko, ana dėdlē daug laika bova numūs, kon pasiekuo jiemė doumėtėis mozėka. Ana pradiejie dainioutė būdama trėju metu.

Pėrmuojė lėika Marajė poblėkā dainēva pradiuos muokīkluo. Ana pabīngė Harborfields High muokīkla Greenlawnė, Niujorkė, bet pralėisdava dėdlē daug pamuoko, nes daug laika lėida ėįašėniedama demonstracėnes dainu versėjės vėitėnies stodėjies, diel prasta lonkomōma anuos klasioukā Marajė ožvadėna Mėražo (ongl. - Mirage).

Marajė debiotava 1990 metās, anuos lėidies bova Columbia Records vadovs Tommy Mottola ėr anuos alboms palėka pėrmoujo vėsuo JAV, katruo pėnkė sėnglā pateka ī Hot 100 sāraša.

1993 metās ana apsėžanėjė so T. Mottola, ton meto ana dėdlē sekies pofesiėnie sferuo. Vagol Billboard žornala Marajė bova nomėniuota, kāp siekmėngeuse XX o. paskotėne dešėmtmete dainėnīnkė

Marajė ėšsėskīrė so T. Mottola 1997 metās ėr parjėmė dėdliuojė dalė sava mozėkas lėidėma vadiuos. Nu 1997 ana ėtraukė daugeu Hėp-Hopa elemėnto ė sava mozėka. Anuos popoleroms bova dėdlē nokrėtės 2000-2002 metās, kumet ana palėka 2001 m. mozėkas kompanėjė Columbia, ėr 2002 m. bova ėšmesta ėš untruos mozėkas kompanėjes Virgin Records. Ton meto ana patīrė dėdlė fėzėnė ėr emoucėnė smūgė.

2002 m. pasėrašė sotartė so Island Records ė pu nasėkmīnga laikuotarpē, sogrīža ė mozėkas rīnka 2005 metās.

2000 Svieta Mozėkas Apdovaniuojėmūs M. Kerė bova pavadėna gereuse tūkstontmetė muotrėška pop mozėkas atlėkiėjė. Ana gava 5 Gremė apdovaniuojėmos.

2006 metās dalėvava stomem turė, katras vadėnas The Adventures of Mimi Tour ėr notėka daug stombiu koncėrto ėvariuos arėnuos, do koncėra bova notėka Afrėkuo, 25 - JAV, 7 - Kanaduo, 7 - Azėjuo.

Marajė Kerė īr pėlantruopė, remontė laiko ė pėnėgās, ėvairios vėšoumenėnios ėr aplėnkuos apsauguos proujėktos. Dėdlē magtīngā ana rem Švaraus uora fonda (ongl. Fresh Air Fund), so katrou bendradarbeu nu XX o. paskotėne dešimtmete pradiuos. Īr vėina ėš vaku ė jaunėma stoviklu ėkorėjo Fishkilla miestalie, Niuojorka valstėjuo, JAV.

2006 m. prekībuo pasėruodė jovelīrėkas ė prėido lėnėjė jaunėmou, pavadėnta "Glamorized", prodoktos pardavėnie American Claire's ė Icing krautovės.

Stodėjėnē albomā

• 1990: Mariah Carey
• 1991: Emotions
• 1993: Music Box
• 1994: Merry Christmas
• 1995: Daydream
• 1997: Butterfly
• 1999: Rainbow
• 2001: Glitter
• 2002: Charmbracelet
• 2005: The Emancipation of Mimi
• 2008: E=MC2
• 2009: Memoirs of an Imperfect Angel
• 2010: Merry Christmas II You
• 2014: Me. I Am Mariah… The Elusive Chanteuse
• 2018: Caution

Kėtė albomā

• 1992: MTV Unplugged
• 1998: #1's
• 2001: Greatest Hits
• 2003: The Remixes
• 2008: The Ballads

Video/DVD

• 1991: The First Vision
• 1992: MTV Unplugged +3
• 1994: Here Is Mariah Carey
• 1996: Fantasy: Mariah Carey at Madison Square Garden
• 1999: Around the World
• 1999: #1's
• 2007: The Adventures of Mimi Tour DVD

Lėteratūras nuoroudas

1. Shapiro, Marc. Mariah Carey (2001). pg. 145. UK: ECW Press, Canada. ISBN 1-55022-444-1 (onglu ruoduo).
2. a b "Winners of the World Music Awards". World Music Awards. May 2000. Retrieved November 19, 2006 from the Wayback Machine; "Michael Jackson And Mariah Carey Named Best-Selling Artists Of Millennium At World Music Awards In Monaco". Jet. May 29, 2000. Retrieved November 19, 2006 (onglu ruoduo).

Interneta nuoroudas

Vikitėka: Marajė Kerė – Abruozdielē ė kėtė dāktā, katrėi prigol prī straipsnė.

• Ofėcėalos tėnklopės