Eglė
Eglė (lietovėškā: Paprastoji eglė, luotīnėškā: Picea abies) ī spīglėnis medis.
Ožaug aple 30–40 m augoma, 70–100 cm lėimenė skersmenė. Aukštiausė žėnuoma Lietovuos eglė (46 m) auga Prėinu šėlė. Medė vainėks tonkos īr, skujā ī smolkūs, tomsūs.
Lietovuo eglė īr ontros vagol gausoma medis, pu pošėis. Īpatingā gausoma eglīnu ī Žemaitėjuo. Miegst derlinga, sonkė, vilgšna dėrva.
Ėš eglės medėinas gamėnamė baldā, rakondā, mozėkas ėnstromentā, puopėrios, būdavuojamė nomā. Eglakojės sīkēs kratuomas kāp krāks.
Eglė žėnuoma kāp raganu, laumiu, velniū medis, vėsuokiu dūšiu būsts. Da ė daba eglašakēs ruodoms kel's ė nabašninka truoba. Eglė tonkiausē dabėnama kāp Kaliedu eglotė.
Aplė kituokės eglės veiziekat: eglės.
This article uses material from the Wikipedia Žemaitėška article Eglė, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Torėnīs pateikts so CC BY-SA 4.0 lėcencėjė, jēgo nie parašīta kėtāp. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Žemaitėška (DUHOCTRUNGQUOC.VN) is an independent company and has no affiliation with Wiki Foundation.