Russische Sproch: Ostslawische Sproch

Se büdt zaumman mitn Ukrainischn (friacha aa Klaarussisch), in Weißrussischn und in Russinischn de Gruppn vo de ostslawischn Sprochn und wiad mitn kyrillischn Alphabet gschriem, mit bstimmte russischn Bsundaheitn. De russische Standardsproch basiat auf dena mittlrussischn Mundoatn vo da Gegand um Moskau.

Russische Sproch (русский язык)
Gredd in	Russland, Mitgliedsstootn vo da GUS, baltischen Stootn, Sproch vo Emigrantn in de Vereinigten Staaten, Israel, Deitschland und aundare eiropäische Lända
Sprecha	Gschätzt: 163,8 Millionen Muadsprochla, 114 Millionen Zwoatsprochla
Linguistische Klassifikation	Indogermanische Sproch Slawische Sprochn Ostslawische Sprochn Russisch
Amtlicha Status
Amtssproch vo	Russland Russland Weißrussland Kasachstan Kirgisistan Ukraine (regional) Moldawien (regional) Abchasien Südossetien Transnistrien Vereinte Nationen GUS
Sprochcodes
ISO 639-1:	ru
ISO 639-2:	rus
ISO 639-3:	rus

Russisch wird haid vo zirka 240 bis 280 Milliona Menschn gredd. Es is wiad in da gaunzn ehemolign Sowjetunion gsprochn, aa in Osteuropa kenna vüü Leit Russisch.

Im eiropäischn Teu vo Russland untascheid ma drei Haupt-Dialektregionan, de si wieda in aanzlne Dialekt aufteun. Im Russischn san oba de Unterschied, trotz da riesign Entfernungan, weitaus kleana ois wia im Bairischn, Deitschn oda Franzesischn. Aa Dialektsprecha vastengan si jedazeit.

Noadrussisch

Noad-estlich vo ana Linie vom Ladogasee üba Nowgorod und Jaroslawl bis Joschkar-Ola. De Mundoat is duach a kloa ausgsprochans unbetonts „o“ (оканье – Okanje), a gutturals „g“ und a hoats „t“ charakterisiat.

• Mundoatngruppm vo Ladoga und Tichwin
• Mundoatngruppm vo Kostroma
• Mundoatngruppm vo Wologda
• Mundoatngruppm vo Onega
• Mundoatngruppm vo Beloozersk

Mittlrussisch

De Neadliche Grene valauft vo Sankt-Petersburg iba Nowgorod und Iwanowo bis Nischni Nowgorod und Tscheboksary, de siidliche vo Welikije Luki iba Moskau bis Pensa. In dem Gebiet neadliche ois wiara siidliche Sprocheignoatn. Im Westn is des unbetonte „o“ a „o“, im Ostn a „a“ (аканье – Akanje).

• Westmiddlrussisch vo Pskow
• Westmiddlrussisch vo Nowgorod
• Ostmiddlrussisch vo Moskau und Umgebung
• Ostmiddlrussisch vo Jegorewsk und Umgebung
• Ostmiddlrussisch vo Temnikow und Umgebung
• Ostmiddlrussisch vom Wolga-Wladimir Gebiet

Südrussisch

In da Gegnd siidlich von Welikije Luki üba Rjasan bis Tambow. Do spricht ma s unbetonte „o“ ois „a“, a frikativs „g“ und a waachs „t“.

• Mundoat vo Rjasan
• Mundoatngruppm vom Dnepr
• Mundoat vo Oskol

• Bolschewik (eihdeitscht aa Bolschewist) – большевик ‘Mehrheitla’
• Datsche – дача ‘Landhaus’
• Kolchose - колхоз 'landwirtschoftliche Produktionsgnossenschoft'
• Matrjoschka – матрёшка ‘Matrjoschka’
• Perestroika – перестройка ‘Umbau’
• Pogrom – погром ‘Vanichtung, Vatreibung’
• Sowjet, sowjetisch usw. – совет ‘Rat, Ratschlag’
• Sputnik – спутник ‘Wegbegleiter; Satellit’
• Steppe – степь ‘Steppe’
• Subbotnik – субботник von суббота ‘Samstog’
• Troika – тройка ‘Dreiergspann’
• Wodka – водка ‘Wodka; a jeda hochprozentiga Schnops (weatl. „Wossal“)
• Zobel – соболь ‘Zobel’
• Kosaken  - казак
• Balalaika  - балалайка
• Barsoi  - борзая ‘Windhund’
• Taburett  - табурет
• Katjuscha  - Катюша ‘Raketnwerfa’