Gambia

Republic of The Gambia, is a kloawinzes Land z West Africa u mid Asnoum vo da westlinga Gstodnlinje õnn Atlantik ganz vonn Senegal umschlossn. Es Gambia-Land ligt af de zwoianen Gstodna oda Flußbenk von n untan Laaf von Gambia-Fluß, vo den wou aa da Nama kumt u da wou duach Gambia duache inn Atlantik eine flejsst. Es Land houd a Flechn vo 10 689 km² u nou en Zensus vonn April 2013 a Bvelkaring vo 1 857 181 Leit. Banjul is d Haptstod u grejssta Metropolregion. D grejsstn Stedt han Serekunda u Brikama.

Gambia houd wej vill ondane westafrikanischn Stootn historisch min Menschnhannl z toun ghobt, es wou da Schlisslfaktoa fia s Õleng u Pfoltn vo da Koloni Gambia River gweng is, ejascht duach d Portugisn, u spada duach d Britn, dej wou en 25. Mai 1765 Gambia i s Britischa Reich eiglidat u d Gambia Colony zamst Protektorat grindt hom. 1965 houd Gambia d Unohangekait unta da Fejaring vonn Dawda Jawara daglengt, da wou gherscht houd bis nan da Yahya Jammeh in an unblouting Militeaputsch vo 1994 d Macht wegga gnumma houd. Da Adama Barrow is nou da Nidaloḡ vonn Jammeh i d Wohln vonn Dezemma 2016 inn Jenna 2017 da dritt President vo Gambia woan. Da Jammeh houd z ejascht es Dagebnis akzeptiad ghobt, nou owa zrugg gwisn, wos a Vafossingskrisn u miletearischa Intavenziona vo da Wiatschaftsgmoischaft vo d Westafrikanischn Stootn asglejst houd, dej wou nan nou i s Exil pitschiat hom.

Gambia sa Wiatschaft wiad domaniad vo Landwiatschaft, Fischalwiatschaft u Turismus. Recht vill Leit lem i da Ormatei.

•  
  Da Albert-Moakt i da Haptstod Banjul.
•  
  A Moschee
•  
  A Koatn vo 1707.
•  
  D Ruina vo da James Insl.
•  
  A Doaf mid Musea za Skloufarei oda zen Menschnhanḏl.
•  
  D Haptstod Banjul.
•  
  Af da 'Sidufastroussn' vo Soma nou Janjanbureh
•  
  Ban Fischfang.
•  
  D Stoakroas vo Wassu.
•  
  Es Abuko Natuaschutzgebejt.
•  
  Da Yahya Jammeh min Barack u Frau inn August 2014.
•  
  Expoatproduktt vo 2014.
•  
  Da Moakt i Serekunda.
•  
  A Fischako i Bakau.
•  
  D Hotelwiatschaft.
•  
  A Koatn vo da James Insel.
•  
  A Kou i Gambia.
•  
  Da Gambia-Fluß.
•  
  A Fern zen iwasetzn.
•  
  Krokodil i Gambia.
•  
  Da Gambiafluß vo om.
•  
  A Turistnstrouss i Kololi.
•  
  A Strõnd.
•  
  A Klassnzimma.