Baseboi

Baseboi wead heit in vui Ländan gspuit, aa in Bayern und Östareich.

Es wead mid zwoa Moschoftn gspuit. Jeds Team hod 9 Spuia. Obwexlnd hod a Moschoft as Schlogrecht (Offense) und ko "Runs" (Punkt = Laf duach olle Basn/Stitzpunkt) dazuin. As andane Team is nacha in da Vateidigung (Defense) und vasuacht an Laf z vahindan, indems in Boi nochm Schlog schnej una ia Kontroi bringa.

Gwina duad, wea mea Runs (Laf) gmocht hod.

Des Spui funktioniad im Prinzip so: A Spuia vo da Defense wiaft in Boi. A Spuia vo da Offense vasuacht in Boi z schlong und oschliassend gegan Uazoagasinn zua naxtn Base z renna. Wen de Spuia vo da Defemse in Boi schneja unta ia Kontroi bringa, kinans des vahindan. Da Spuia vo da Offense scheidt nacha aus. Wen a Spuia vo da Offense in Boi ned trifft oda ned af oana Base steht, ko a noch da Beriarung vom Boi ausm Spui gnumma wean (out).

A Run wead dazuit, wen a Spuia vo da Offense olle drei Bases passiad und sei Hoambasis (Home Plate) wieda earreicht. Wen vo da Offense drei Spuia out san, wexln de Teams eana Roin, des Offense Team wead etzad zua Defense. A Duachgang is, wen a Team amoi Offense und amoi Defense gspuit hod, des wead Inning gnennt. Noch nein Innings ins des Spui voabei.

•  
  Batter (Schlogmo), Catcher (Fänga) und Umpire (Schiri)
•  
  Pitcher (Weafa)
•  
  Catcher (Fänga) und Runner (Laifa)
•  
  Baseboistadion

  Commons: Baseball – Sammlung vo Buidl, Videos und Audiodateien

• Major League Baseball (Hoamseitn vo de amerikaniscen Profilign)
• IBAF – International Baseball Federation (Website des Internationalen Baseballverbandes)
• DBV – Deutscher Baseball- und Softball-Verband
• ABF – Austrian Baseball Federation
• Baseballregeln (PDF) NASN (englisch)