Songkét
Songkét inggih punika soroh kain tradisional sané katenunang, tur mawit saking Sumatra, Indonésia.
Songkét mawit saking kruna sungkit ring Basa Palémbang miwah Basa Indonésia. Kruna punika maartos "nyungkil" utawi "ngaitang". Wénten taler sané maosang indik songkét punika mawit saking kruna songka, sané maartos songkok khas Palémbang sané kapercaya pinih pertama nenunang benang emas.
 Songket Minangkabau, motif segitiga wagian betén dados pralambang pucuk rebung (tunas bambu) | |
| Soroh | Kain tenun |
|---|---|
| Bahan | sutra, kapas, mas, perak |
| Genah asal | Malaysia |
| Songket | |
|---|---|
Tetamian Budaya Tenbenda UNESCO | |
| Negara | Malaysia |
| Pustaka | 01505 |
| Wewidangan | Asia dan Pasifik |
| Babad Inskripsi | |
| Inskripsi | 2021 |
Songkét katenun nganggén tangan tur malakar saking benang emas miwah pérak. Kain puniki ketahnyané kaanggén ri tatkala wénten acara-acara sané resmi. Songkét taler wénten ring Sumatra, minakadi Songkét Palémbang miwah Songkét Minangkabau. Lianan saking nika songkét taler wénten ring Bali, Lombok, Sambas, Sumba, Makassar, miwah wewengkon sané lianan ring Indonésia.
Lelintihan Songket
Manut saking hikayat krama Palémbang, songkét maasal saking perdagangan ring zaman sadurungnyané inggih punika Tiongkok miwah India. Krama Tiongkok nyadiayang benang sutera, tur krama India nyadiayang benang emas miwah benang pérak. Kain songket katenun ring pekakas tenun bingkai Melayu. Nénten wénten sané uning indik songkét mawit saking genah dija. Manut saking tradisi Kelantan, teknik tenun puniki mawit saking kalér, inggih punika Kamboja miwah Siam. Selanturnyané nglimbak ka kelod ring Pattani, taler nglimbak ring Kelantan miwah Terengganu sawatara ring warsa 1500-an. Wénten taler sané maosang indik lelintihan songkét, mawit saking krama India ri tatkala aab Sriwijaya ring abad ka-7 ngantos abad ka-11.
Soroh Songkét
Songkèt madué makudang-kudang soroh tradisional sané kadadosang cihna ring genahé punika. Wénten motif songkét Pandai Sikek saking Minangkabau, sakadi Saik Kalamai, Buah Palo, Barantai Putiah, Barantai Merah, Tampuak Manggih, Salapah, Kunang-Kunang, Api-Api, Cukie Baserak Sirangkak, Silala Rabah, miwah Simasam. Ring Sumatra Selatan wénten 71 motif songkét, tur sané kadaftarang ring Direktorat Jenderal Hak Kekayaan Intelektual Kementerian Hukum miwah Hak Asasi Manusia, 22 songkét manten. Motif songkét punika sakadi Bungo Intan, Lepus Pulis, Nampan Pérak, miwah Limar Beranti.
Pustaka
This article uses material from the Wikipedia Bali article Songkét, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Daging kasayagayang ring sor CC BY-SA 4.0 ritatkala nénten wénten uahan. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bali (DUHOCTRUNGQUOC.VN) is an independent company and has no affiliation with Wiki Foundation.