Olas Asih
Satua Olas Asih (aksara Bali: holaśasiḥ) inggih punika silih tunggil satua Bali.
| Olas Asih | |
|---|---|
| Satua | |
| Aran | Olas Asih |
| Data | |
| Negara | Indonésia |
| Wewidangan | Bali |
Daging satua
Kacrita di Bancingah Majelangu bek ada dagang magenepan. Dagang kopiné kasandingin dagang nasi. I Madé Diarsa masih milu meli nasi ditu. Saged ada gegendong tua matungked, panganggonné sétsét pasuranting, batisné berung, ngaba kompek tapis misi endongan. Gegendongé ento maekin dagang nasi. Sawiréh boné bengu makejang anaké ngadesem tur ngejoh. Nanging I Madé Diarsa maekin gegendongé ento lantas beliange nasi. Sasubané suud madaar ajakina singgah mulihné.
Gelisin satua, suba ia jani teked jumahné. Ni Luh Sari, kurenan I Madé Diarsa, nyaghagin mapan ada tamiu reka. Ngencolang ia nabdabang balé, laut ka paon nyakan. Sasubané pada lebeng, laut ia masagi tur bareng-bareng madaar. I Madé Darsa gegendongé muah kurenané mareraosan kangin kauh saling nakonin unduk. I Madé Diarsa nuturang untuk kalacurané tusing ngekah karang carik angan abidang. Suba peteng orahina gegendongé masaré di umah meten. I Madé Diarsa ngajak kurenané masaré di sisian.
Ngedas lemah Ni Madé Sari enten, tengkejut ngadek bo miik ngalub. Kurenané laut dunduné. Ia ajak dadua adeng-adeng ka meten. Bengong ia ningalin metené kedas tur makasur, maseprai sutra petak masulam rapi. Kompek tapisné masalin dadi kompek sutra ungu bek misi pipis mas slaka. Tungkedné masalin dadi tungked mas. Nanging gegendongé ilang tan parawat matra. Sujatiné gegendongé ento panylewadian betara. Ditu laut I Madé Diarsa muah Ni Luh Sari ngaturang suksma.
Pustaka
Pranala jaba
This article uses material from the Wikipedia Bali article Olas Asih, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Daging kasayagayang ring sor CC BY-SA 4.0 ritatkala nénten wénten uahan. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bali (DUHOCTRUNGQUOC.VN) is an independent company and has no affiliation with Wiki Foundation.