Greta Thunberg

Greta Ernman Thunberg (kaucapang: [²ɡreːta ²tʉːnbærj], lekad tanggal 3 Januari 2003) ento silih tunggil aktivis iklim uli Swédia. Sekat bulan Novémber 2018, ida suba ngentahang gerakan suud utawi buung masekolah, apang ngidaang nindihin iklim, lantas ida ngamaang panglalah di sajebag jagaté sasubané kaadayang konférénsi COP24 di bulan Désémber. Aktivismenné ené padidi ada sekat bulan Agustus 2018 dugas médiané nyumu ngamaang uratian tekén protés idané di arepan para Parlémén Swédia. Duk tanggal 14 Maret 2019 kuang-lebih 1,4 yuta diri siswa di 112 nagara ngamarengin Greta Thunberg tusing buin nyak masekolah (mogok sekolah) tur ngmiluin protés indik iklim ka pamerintahné. Gerakan tusing buin masekolah cara kéto ada buin duk tanggal 24 Méi taun 2019.

Greta Thunberg FRSGS
Thunberg warsa 2020
Embas	Greta Tintin Eleonora Ernman Thunberg 3 Januari 2003 (yusa 21) Stockholm, Swedia
Pakaryan	Student environmental activist
Warsa aktip	2018–mangkin
Gerakan politik	School strike for climate
Rerama	Malena Ernman (Biang)
Semeton	Olof Thunberg (grandfather)
Pangormatan	Fritt Ord Award (2019) Rachel Carson Prize (2019) Ambassador of Conscience Award (2019) Right Livelihood Award (2019) International Children's Peace Prize (2019) Time Person of the Year (2019) Nordic Council Environment Prize (declined) (2019) Gulbenkian Prize for Humanity (2020)
Panghargaan	Doctor honoris causa, University of Mons

Duk tanggal 13 Maret 2019, kraman Parlémén Norwégia ajak telu ngarékoméndasiang Greta kadadiang Paican Nobél Santi 2019. Greta ngraos yan Ida ajum krana maan rékoméndasiné ento.

Ibunné Greta Thunberg maadan Greta Malena Ernman. Ida dadi tukang gending di opéra. Bapanné Greta, maadan Svante Thunberg, magaé dadi pragina.

Di TEDx November 2018 Greta nyritaang, taén ningeh indik salinan iklim (perubahan iklim) dugasé Ida matuuh kutus tiban, ida tusing nawang ngudiang anaké ané lénan tusing ngalih cara apang ngidang nyuudang kahanané ento. Dugas Ida matuuh solas tiban, Ida marasa strés lantas suud mamunyi. Greta kena déprési, sindrom Asperger ajak OCD. Greta mamunyi yan Ida marasa atinné padem krana tusing ngidang protés. Ida masih taén mamunyi yan Ida anak ané matiosan tur matiosan ento panugrahan.

Duk tanggal 20 Agustus 2018 Thunberg netepang buung luas ka sekolah (mogok sekolah) nganti pemilu ané kaadayang di tanggal 9 Séptémber di Swédia, lantas ida negak di arepan Parlémén Swédia wai-wainan tur ngaba tulisan Skolstrejk för klimatet ané tegesné "buung masekolah apang nindihin iklim". Sasubané pemilu di Swédia kaadayang, Ida nglanjutang buung masekolah nyabran dina Sukra.