Canggu, Kuta Utara, Badung
115°08′43″E / 8.638897°S 115.145314°E / -8.638897; 115.145314
Canggu inggih punika silih tunggil désa dinas sané magenah ring Kecamatan Kuta Utara ring wewengkon Kabupatèn Badung, Bali. Canggu dados désa wisata sané sampun kaloktah ring dura negara mawinan pasihné dados genah surfing.
| Canggu | |
|---|---|
 Finns, silih tunggil Beach Club ring Canggu | |
Peta genah Désa Canggu | |
| Negara |  Indonésia |
| Propinsi | Bali |
| Kabupatén | Badung |
| Kecamatan | Kuta Utara |
| Pamréntahan | |
| • Perbekel | I Nengah Lana |
| Kodepos | 80361 |
| Kode Kéméndagri | 51.03.06.2005  |
| Kode BPS | 51.03.06.2005 |
| Jimbar | 5,23 km² |
| Akéh krama | 5.375 diri (2016) 7.088 diri (2010) |
| Kepadetan | 1.355 diri/km² (2010) |
| Akéh RW | 1 Banjar |
| Akéh KK | 1.320 |
Margi utama ring désa niki luiripun Margi Raya Canggu, Margi Batu Bolong, Margi Padang Linjong, Margi Batu Mejan miwah Margi Tanah Barak. Ring margi Batu Bolong wénten Pura Merajapati miwah setra Pipitan. Ring sisin pasih wénten kalih pura, Pura Batu Bolong miwah Pura Batu Mejan sané sampun mayusa makudang aab, kakaryanin olih Dang Hyang Nirartha.
Makudang pasih taler wénten driki. Echo Beach (tasih kasub mamurda pasih Batu Mejan) magenah ring sisin kauh Canggu sadurung Perenenan.
Pamréntahan
Désa Dinas
Wewidangan Désa Canggu madué pitung dusun utawi banjar dinas, inggih punika:
- Dusun Babakan
- Dusun Umabuluh
- Dusun Kayutulang
- Dusun Pipitan
- Dusun Padanglinjong
- Dusun Canggu
- Dusun Tegalgundul
Désa Adat
Mawit adat ring Désa Canggu kagenahain olih Désa Pakraman Canggu, sané kepahan inucap pateh sekadi kepahan désa dinas nyané.
Krama
Ring warsa 2016, akeh krama Désa Canggu kabagi antuk 2.580 lanang miwah 2.795 istri miwah sex rasio 92. Krama sané embas ring warsa 2016, 25 diri miwah seda 26diri.
Galeri
-
Sunset ring pasih Canggu dados panorama pinih becik ring désa niki. -
Canggu dados genah akeh cafe utawi kedai kopi. -
Pasih canggu ring sisin kelod désa. -
Pura Batu Mejan -
Pasih Batu Bolong ring Canggu warsa 2016 -
Silih tunggil margi ring Canggu
.jpg)
Pustaka
Pranala jaba
- (Indonésia) Situs Resmi Kabupatén Badung Archived 2020-03-14 at the Wayback Machine
- (Indonésia) Situs BPS Kabupatén Badung
- (Indonésia) Prodeskel Binapemdes Kemendagri Archived 2022-04-01 at the Wayback Machine
This article uses material from the Wikipedia Bali article Canggu, Kuta Utara, Badung, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Daging kasayagayang ring sor CC BY-SA 4.0 ritatkala nénten wénten uahan. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bali (DUHOCTRUNGQUOC.VN) is an independent company and has no affiliation with Wiki Foundation.