1993 Йыл

1993 (бер мең туғыҙ йөҙ туҡһан өсөнсө) йыл — кәбисә булмаған йыл, григориан календары буйынса йома көндө башлана. Был беҙҙең эраның 1993 йылы, 2 мең йыллыҡтың 993 йылы, XX быуаттың 93 йылы, XX быуаттың 10 ун йыллығының 3 йылы, 1990 йылдарҙың 4 йылы.

• 1 ғинуар — Башҡортостанда граждандарҙы мотлаҡ медицина страховкалау индерелә.
• 19 ғинуар — Башҡортостан Республикаһы Министрҙар Советы ҡарары менән «Асылыкүл» милли паркы ойошторола.
• 27 ғинуар — Башҡортостан Республикаһы Юғары Советы Президиумы указына ярашлы «Башкредитбанк» (хәҙерге «Уралсиб») ойошторола.
• 4 февраль — «Башҡорт энциклопедияһы» ғилми-нәшриәт комплексы ойошторола.
• 14 февраль — Башҡортостан Республикаһы «Видергебурт» немецтар союзы ойошторола.
• 18 февраль — Башҡортостан һәм Удмуртия араһында дуҫлыҡ һәм хеҙмәттәшлек тураһында килешеүгә ҡул ҡуйыла.
• 25 апрель — Башҡортостандың иҡтисади үҙаллылығы һәм Рәсәй Федерацияһы менән договор нигеҙендәге мөнәсәбәте буйынса тәүге республика референдумы уҙғарыла.
• 17 май — Башҡортостан Хөкүмәте һәм Румыния хөкүмәте араһында сауҙа-иҡтисади хеҙмәттәшлек тураһында килешеүгә ҡул ҡуйыла.
• 5 июнь — Башҡортостан һәм Силәбе өлкәһе араһында хеҙмәттәшлек тураһында килешеүгә ҡул ҡуйыла.
• 12 октябрь — Башҡортостан дәүләт гербы һәм Башҡортостан дәүләт гимны ҡабул ителә.
• 12 декабрь — Республикала Башҡортостан Президенты вазифаһына һаулауҙар уҙғарыла. 64 % тауыш йыйып Мортаза Ғөбәйҙулла улы Рәхимов Башҡортостандың тәүге президенты итеп һайлана.
• 24 декабрь — Башҡортостан Республикаһы Конституцияһы ҡабул ителә.

• 6 ғинуар — Нуриев Рудольф Хәмит улы, балет артисы.
• 8 ғинуар — Әхмәтов Хөсәйен Фәйзулла улы, беренсе башҡорт классик композиторы, РСФСР-ҙың халыҡ артисы.
• 30 ғинуар — Мәзитов Ғәли Әхмәт улы, осоусы, совет-фин (1939—1940) һәм Бөйөк Ватан һуғыштарҙа ҡатнашыусы, Советтар Союзы Геройы (1944).
• 18 февраль — Яҡшимбәтов Малик Нәсих улы, «Башҡортостан» киностудияһының художество етәксеһе, күренекле режиссёр.
• 27 февраль — Лиллиан Гиш, америка актрисаһы.
• 6 май — Ғүмәров Исхаҡ Идрис улы, подполковник, Бөйөк Ватан һуғышында ҡатнашыусы.
• 27 май — Смаҡов Илфаҡ Мөзип улы, йырсы, Башҡорт АССР-ының халыҡ (1985), Рәсәй Федерацияһының атҡаҙанған артисы (1989).
• 26 июнь — Сәйфи Ҡудаш, Башҡорт АССР-ының халыҡ шағиры (1964).
• 10 июль — Вәлиев Рәфғәт Әхтәм улы, генерал-майор. Техник фәндәр кандидаты.
• 31 июль — Ҡадиров Ғабдрахман Файзурахман улы, мотоциклда боҙҙа уҙышыу буйынса алты тапҡыр донъя чемпионы.
• 25 август — Рамаҙанов Ғилемдар Йыһандар улы, йәмәғәт эшмәкәре, шағир һәм әҙәбиәт белгесе.
• 31 октябрь — Федерико Феллини, Италия кинорежиссёры. 5 тапҡыр «Оскар» премияһын яулаған.
• 24 декабрь — Аллаяров Ғәзим Закир улы, Башҡортостандың партия эшмәкәре, журналист һәм яҙыусы.