Әбдиев Әхмәтйән Әбделғәлләм Улы: табип, медицина докторы (1862)
Әбдиев Әхмәтйән Әбделғәлләм улы — табип.
Башҡорттарҙан тәүге медицина докторы (1862).
| Әбдиев Әхмәтйән Әбделғәлләм улы | |
| Зат | ир-ат |
|---|---|
| Гражданлыҡ |  Рәсәй империяһы |
| Һөнәр төрө | табип |
| Уҡыу йорто | Ҡаҙан Император университеты |
| Маҡтаулы исемдәре һәм башҡа бүләктәре | |
Биографияһы
Әбдиев Әхмәтйән Әбделғәлләм улының биографияһы буйынса мәғлүмәттәр аҙ.
Ҡазан ҡалаһының 1-се гимназияһында белем ала. 1856 йылда Ҡазан Император университетының медицина факультетын тамамлай.
1856 йылдан Башҡорт ғәскәрендә штаттан тыш табип булып эшләй.
Хәрби министрлыҡтың Медицина департаментының рөхсәте буйынса, 1858 йылда квалификацияһын күтәреү өсөн Санкт-Петербург ҡалаһына Император медицина-хирургия академияһына уҡырға инә. Имтихандар биреп, диссертация яҡлағандан һуң, 1862 йылда медицина докторы дәрәжәһен ала.
1862 йылда Ырымбур ҡалаһына участка табибы булып эшләргә саҡыртыла. Силәбе өйәҙенең (хәҙерге Силәбе өлкәһе Арғаяш районы) Мәтәл ауылында, һуңыраҡ Бөрө өйәҙенең (хәҙерге Башҡортостан Республикаһы Дүртөйлө районы) Әсән ауылында табип булып эшләй.
Артабанғы яҙмышы билдәһеҙ.
Иҫкәрмәләр
Әҙәбиәт
- Әсфәндиәров Ә. Олатайҙарҙың бар тарихы... — Өфө, 1996.
- Асфандияров А. З. Кантонное управление в Башкирии (1798—1865 гг.). — Уфа, 2005.
This article uses material from the Wikipedia Башҡорт article Әбдиев Әхмәтйән Әбделғәлләм улы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.