گۆن آنا - تۆرک و آلتای میفوْلوْژیسینده گۆنش تانریچاسی.
کۆن آنا و یا گۆنش (کۆنئش) آنا اوْلاراق دا بیلینر. بعضا یاشیک آنا دا دئییلیر. مغوللار نار (نارا) ائجئ دئییرلر. آلتای تۆرکلرینین اینانجیندا گؤی عالمینین ان یۆکسک قاتیندا اوْتوران، گۆنش تانریچاسی اوْلاراق گؤروله بیلهجک مقدس بیر وارلیقدیر. بۇ اینانجا گؤره گۆن آنا اینسانلارین ایلک بؤیوک آناسی و آی آتا ایلک بؤیوک آتاسیدیر. گؤیون یئددینجی قاتیندا اوْتورار. تۆرکلرله ده علاقهلی بعضی اؤن آسیا کۆلتورلرینده دیشی اوْلاراق قبول ائدیلمیشدیر. ایندیکی واختدا قێزلارا گۆنش آدینین وئریلمهسینین سببلریندن بیری ده بۇدور. تۆرکلرده گۆنش ایستینین آی ایسه سوْیوغون سیمووْلودور. اۇرال باتیر افسانهسینده گؤی ایلاهی سامراوین ایکی آروادی واردیر بیرینین آدی کۇیاش آنادیر. (دیگری ده آی آنادیر.)
ضیا گؤی آلپ بئله دئمکدهدیر: "قدیم تۆرک تلقیسینه گؤره، خاقانلا خاتون گؤی ایله یئرین اؤولادلاریدیر. گۆنش آنا ایله آی آتا اوْنلارین گؤی اۆزوندهکی نۇمایندهلری ایدی. خاقانین تمثیلی اوْلان آی آتا، گؤی اۆزونون آلتینجی قاتیندا، خاتونون تمثیلی اوْلان گۆن آنا ایسه داها اۆستده، سمانین یئددینجی قاتیندا ایدی.
This article uses material from the Wikipedia تۆرکجه article گون آنا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.