پرینستون بیلیمیوردو (اینگیلیسجه: Princeton University)، آمریکا نین نیوجرسی ایالتی نین پرینستون شهرینده 1746 -جی ایلده آچیلمیش، مخصوص بیر بیلیمیورد آدیدیر.
بۇ بيليم يورد دونيانين ان آدليم و اعتبارلي آراشديرما تشکیلاتلارینداندير. ایللیک ییغدیغی اعانه و بودجه 22.7 ميليارد دولار اولاراق، هر اؤیرنجی پایلاشیم بودجه سی اورانی باخیمیندان دونیانین بیرینجی بیلیم یوردودور. بۇ بیلیم یورد دونیانین ان تانینمیش اوستادلاری و آراشدیریجیلارینی ییغماقدا تانینمیشدیر. میثال اۆچون آلبرت آینشتاین بۇ بیلی یوردون اوستادلاریندان ایمیش. بۇ بیلیم یورد اویرنجیلرین چوخو، میلتلرآراسی ان هوشلو اؤيرنجيلري، آمریکانین ان دؤولتلی آداملارین بالالاری و آدلیم سیاسی عاییله لرین اوشاقلاری سايييليرلار.
جمعی 8088 اؤیرنجیسی واردیر. لیسانس اؤیرنجیلر سایی سی 5391 و لیسانسدان یوخاری اؤیرنجیلر سایی سی دا 2697 دیر.
بو بيليم يورد آراشديريجيلاري 2015 -جي ايله قدر، 41 نوبئل اؤدولو (جايزه سي) آليبلار. بۇ بیلیمیوردو اؤز اوزمانلیق درجه لرینی آشاغیدا آدلاری چکیلمیش امدرسهلرله اعطا ائدیر. بیلیم یوردون مساحتی 2 کیلومترمربع دیر. پرینستونون کیتاب ائویسی 11 میلیون کیتاب و آراشدیرما باشلیقی واردیر.
پرینستون بیلیمیوردو | ||
---|---|---|
| ||
شعار | تانری گوجو کؤلگه سینده بوی آتیر | |
یارانما تاریخی | 1746 | |
تیپ | اؤزل (خصوصي) | |
باشچی | کریستوفر ال. آیزقروپر | |
اوستاد ساییسی | 1172 | |
اؤیرنجی ساییسی | 8088 | |
شهر | پرینستون، نیوجرسی ایالتی | |
کئچنکی آد(لار) | نیوجرسی کالئجی (1746-1896) | |
وئبسایت | http://www.princeton.edu/ |
This article uses material from the Wikipedia تۆرکجه article پرینستون بیلیمیوردو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.