اویون ساناما
ساناما - آذربایجاندا اوشاق و گنجلر آراسیندا یازقاباغی گونلرده، شنلیک و بایراملاردا دسته‌لره بؤلونمه‌دن اوینانیلان اویونلاردا باشچی (آپاریجی و یا ایشچی) سئچمک اۆچون باشلانغیج فورما.
عومومی معلومات
دسته‌لره بؤلونمکله اوینانیلان بوتون اویونلار هالای قورماقلا باشلانیر. لاکین بیر چوخ اویونلاریمیز دسته‌لره بؤلونمه‌دن اوینانیلیر. "انزه‌لی"، "ائششک بئلی سیندیردی"، "یئددی آغاج " بونا میثال اولا بیلر. بو اویونلاری باشلایارکن، "باشچی" ،"آپاریجی" و یا "ایشچی" سئچمک اۆچون سانامادان ایستیفاده ائدیرلر.
اویونون قایدالاری
پوشک یولو ایله یاخود عومومی راضیلیغی ایله(اویوندا و یا اوشاقلار آراسیندا موعیّن کئیفیتلری ایله فرقلنن) بیر نفر سئچیلیر. او، بوتون اویونچولاری سیرایا دوزور. ساناما یولو ایله اویونچولاری بیر-بیر سیرادان آزاد ائدیر. آخیرا قالان اویونچو "باشچی"("آپاریجی" و یا "ایشچی") سئچیلمیش اولور. سانامانی آپارماق اۆچون موختلیف سانامالاردان ایستیفاده ائدیرلر."ایینه-ایینه" ،"موتال-موتال" ، "عمیم اوغلو" و س. بو کیمی سانامالار اوشاقلارین سئویملی نغمه‌لریدیر.
ایینه-ایینه
ایینه-ایینه،
اوجو دویمه
بال باللیجا،
باللی کئچی،
شام آغاجی،
شاتیر کئچی.
قوز آغاجی،
قوتور کئچی.
هوپپان-هوپپان،
یاریل-ییرتیل،
سو ایچ قورتول.
موتال- موتال
موتال-موتال
ترسه موتال،
قیل آتار،
قایماغ توتار
آغ قوشوم،
آغارچینیم،
گؤی قوشوم،
گؤیرچینیم.
قارغا قارا،
دورنا چالا،
چیله‌مه چیلیک،
بیرجه املیک،
امره‌قولو، وور ناغارا،
چیخ قیراغا.
عمیم اوغلو
عمیم اوغلو،
اوزو بوغلو،
هالدیریم دئدی،
هولدوروم دئدی،
گؤیه بیر آغاج آتدی.
کرکی ساپی.
گول بوداغی.
بعضاً بو مقصدله دوزگولردن ده ایستیفاده ائدیلیر.
قایناق
This article uses material from the Wikipedia تۆرکجه article ساناما (اویون), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.