تویوتا موتور کورپورایشن (Toyota Motor Corporation- و یا TMC ) ، مینی وانلاردان بؤیوک یوک ماشینی لارا قدر دییشن ساحه لرده ایستحصال ائدن و بؤیوک بیر مدل یئلپی یینه (yelpiyinə) صاحیب اولان ، دونیانین ان بؤیوک اوتوموبیل شیرکت لریندن بیری دیر.
یاخین زاماندا فوردو کئچره ک دونیانین ان بؤیوک ایکینجی اوتوموبیل فیرماسی اولان تویوتانین 2007 – جی ایلده دونیا اوزه رینده ان چوخ اوتوموبیل چیخاران فیرما اولان آنجاق بؤیوک بیر ایقتیصادی کریزیس (krizis) ایچینده کی جنرال موتورز تاختیندان ائده جه یی دوشونولور. 2007 – جی ایلین ایلک کوارتالیندا (kvartalında) دونیا ساتیش رقملرینه گؤره جنرال موتورسو کئچمیش و ان چوخ ساتیلان اوتوموبیل مارکاسی اولموشدور.
2003 تقویم ایلینده تویوتا ، لوکسئس (Lexus) ، دای هاتسو (Daihatsu) و هینو مارکالارینین ایللیک جمعی ساتیش 78/6 میلیون عدده چاتمیش دیر. ژاپونییادا 12 فابریکی ، 11 باغلی قورولوشو ، و 26 اؤلکه ده 46 ایستحصال تاسیسی ، 100/264 ایشچی سی ایله لوکسئس و تویوتا مارکا واسیطه لر چیخاران شیرکتین محصول لاری ، 140 – دان چوخ اؤلکه ده مشتری لره چاتدیریلماق دا دیر. تویوتانین اوتوموبیل ایشلرینده کی گلیرلری ، جمعی ساتیشلارینین 90 % - نی ایحاطه ائدیر. تویوتانین تلکوممونیکاسییادان (telekommunikasiyadan) پرفابریک ائولره ، و لوکس یاتلارا قدر دییشیک ساحه لرده چالیشان شیرکت لری ده واردیر. گلوبال تویوتا ساتیش لاری ایللر ایچریسینده اینکیشاف گؤسترمک ده دیر. 1937 – جی ایلده کی قورولوشون دان بری، تویوتانین محصول یئلپییی (yelpiyi) ، دونیانین ایلک آردیجیل چیخاریلان هیبریت واسیطه سی "پریوسو" (Prius) و بازارا حاضیر ایلک هیدروژن لی واسیطه سی "Toyota FCHV"ی ایحاطه ائده جک قدر گئنیش لمیشدیر.
تویوتانین 1951- جی ایلدن بری آرالیق سیز چیخاردیغی " تویوتا لند کوروز" مدلی یالنیز یوکسک ساتیش رقم لرینه چاتماقلا قالمامیش ، کیفیتی سایه سینده صینیفینده بیر افسانه حالینا گلمیش دیر.
تویوتا ایستحصال سیستئمی (TPS) ، بوتون مشتری لرین احتیاجینا اویغون واسیطه لرین ائلاستیک بیر شکیلده و یوکسک کیفیت ده چیخاریلا بیلمه سینه ایمکان وئریر.
This article uses material from the Wikipedia تۆرکجه article تویوتا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.