ابراهیم جعفرزاده
ایبراهیم جعفرزاده، سیاست آدامی و آذربایجان ملی فعّالی.
| ابراهیم جعفرزاده | |
|---|---|
| آد | ایبراهیم به‌ی جعفرزاده |
| دوْغوم تاریخ | 1 شهریور 1353 بیله‌وار، خوی |
| اؤلوم تاریخ | 4 مهر 1390 |
| تحصیل | فارس دیلی و ادبیاتی |
یاشاییش و چالیشمالار
ایبراهیم جعفرزاده 1353-جو ایلینین شهریور آیی‌نین ایلک گونونده، خوی شهری نین بیله‌وار کندینده اکینچی بیر عاییله ده دونیایا گؤز آچدی. بئشینجی صینیفی کندده بیتیریب، خویدا اورتا اوخولو اوخودو و دیپلومانی قازاندی. آردیندا خوی آزاد بیلیم‌یوردوندا فارس دیل و ادبیاتیندا لیسانس آلدی.
1378- خوی شهرینین مجلیس سئچگی‌لری سوره‌جینده اولان حقسیزلیکلره اعتیراض ائتدیگی اۆچون بیر نئچه یولداشی ایله بیرلیکده توتوقلانیب، 12 گون دوستاقدا ساخلاناندان سونرا 3 آی تعزیری توتوقلو قالماغا محکوم اولوب. او گون ایبراهیم جعفرزاده سئچگی‌لرده آذربایجان ایستکلرینی توپلوما گئنیش یایماقلا جزالاندی.
1381- ساوالان گونونه گؤره خییوْودا یاخالانیب 5 گون قالاندان سونرا بوراخیلاراق، اینقیلاب محکمه‌سینده تبرئه اولوندو.
1383-ۆن اردیبهشت آیی‌ندا تئهران‌دا یاخالانیب، چوخلو یولداشی ایله بیرلیکده آذربایجان اۆچون بیر شورا یاراتماق ایتیهامی ایله توتوقلانیب 21 گون زینداندا ساخلاندی.
1383- خویدا ابراهیم جعفرزاده و فیکیرداشلاری بیرلیگینده آذربایجان کیملیگینی ساوونا بیلن بیر درنک قورماغا قرار وئریلدی. بئله‌لیکله اورین درنه‌گی قورولدو.
1384- بابک قالاسیندا توتولوب، 10 گون اهر زیندانیندا ساخلاناندان سونرا وثیقه قویوب، بوراخیلدی. سونوجوندا 5 آی دوستاقدا قالماغا محکوم اولدو.
1384- عائیله قورماق اۆچون مینا کهروبایی ایله ائولنیب، یاشام و گله‌جکلرینی بیربیرلرینه دویونله‌دیلر.
1385- ایران گونه‌لیگینین تورکلره توخونماسیندا، ایلک اولاراق آذربایجانین باشا باشیندا شهر اعتراضلارینی پلانلادی آنجاق اعتیراضلار باشلانمامیش توتوقلاندی.
1385- ایسفند آیی‌نین ایکیسی، دونیالیق آنادیلی موناسیبتی ایله توتوقلاندی. او توتوقلانمادا ایسه اینقیلاب محکمه‌سی اونا بیر ایل زیندان، ایکی ایل برازجان‌ا سۆرگون و 3 ایل ایجتیماعی حاقلاردان و مجلیس سئچگیلرینه آدایلیغا یاساقلانمایا محکوم اولدو.
1386- مورداد آیی‌ندا تویلارینی توتدولار.
1387- تیر آیی‌ن بیرینده دوستاغا گئتدی، بیر ایل سونرا 1388-جی ایلین اوردیبهشت آیی‌نین سونوندا باشقا چالیشقانلار ایله بیرلیکده بوراخیلدی.
1389- ایبراهیم و مینا سئوگی میوه‌سی آیلا دوغولدو.
1390- سه شنبه گونو شهریورین 29-و سعید متین‌پورون آد گونونو آذربایجانلی سیاسی محبوسلارین گونو آدلاندیردی.
1390- اورمو گؤلونون قوروتماق سیاستینه قارشی اعتیراضلاردا، امنیتی قووه‌لر وریندن چاغیریلدی.
1390- مهر آیی‌نین دؤردونجو گونو حایات یولداشی مینا کهربایی و کیچیک قیزی آیلا ایله بیرلیکده بیر ترافیک قضاسیندا حایاتلارینی ایتیریب دونیالارینی ده‌ییشدیلر.
قایناقلار
This article uses material from the Wikipedia تۆرکجه article ابراهیم جعفرزاده, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.