آذربایجان جازی - جاز موسیقیسینین قوللاریندان بیری.
بو ژانر شوروینین تلئولوژی رسمی سیاستی نتیجهسینده کؤک سالدی و زامان کئچدیکجه، آذربایجان خالق موسیقیسی و موغام هارمونیسی ایله بیرلشدیرهرک ایفا ائتمه سی نتیجهسینده یئرلی آذربایجان مدنیتینده اؤز یئرینی توتدو.
آذربایجانین موعاصیر مدنیت مکانیندا یاییلمیش ایکی نؤوع جاز واردیر. بیری، غرب جازینا بنزهین لاکین یئرلی موغام چالارلارینین دا علاوه ائدیلدیگی کلاسیک حؤکومت دستکلی جازدیر. دیگری ایسه جاز هارمونیلریندن ایستیفاده ائدیلهرک باکینین دبدبهلی رستورانلاریندا ایفا ائدیلن و پوپ ماهنیلارینی خاطیرلادان جازین استیلیزهسیدیر. اوّلدن اعتیباراً، آذربایجان جازی رسمی حاکیمیت طرفیندن یارادیلمیش و مشهورلاشدیریلمیشدیر. همچنین، بو جاز موستقیل جومهوریتین میلّی ایدئولوژیسینه داخیل ائدیلیب و هله ده ائدیلمکده دیر. آذربایجان جازینین فرقلندیریلمه سی ایله یاناشی، بو فاکت حؤکومت و وطنداشلار آراسیندا قارشیلیقلی علاقهده ده، گوندهلیک حیاتین میلّی ایدئولوژییه نوفوذو پروسهسینده ده موذاکیره لره سبب اولور.
1960-جی ایللرده واقف مصطفیزاده موغامین کلاسیک آمریکا جاز موسیقیسی ایله سنتزینی یاراتمیش و بو ژانری " جاز-موغام " آدلاندیرمشدیر. 2000-جی ایللرده باکی بینالخالق جاز فستیوالی و قبله موسیقی فستیوالی کیمی جاز فستیواللاری آذربایجاندا جازین اینکیشافیندا موثبت دؤنوش یاراتدی.
This article uses material from the Wikipedia تۆرکجه article آذربایجان جازی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.