پروژه یؤندیمی

پروژه لر بللی محصول، خیدمت(سرویس) و یا نتیجه تولید ائتمک اۆچون یارادیلان موقت تلاش لاردیر. بللی باشلانقیج و قورتولوش تاریخلری واردیر.  

پروژه یونه تیمی نین اصلی مساله سی پروژه نین داها قاباقدان بللی ائدیلن قیسیتلارین ایچینده بوتون هدفلرینه یئتیشمه سی دیر. بو هدفلر پروژه نین باشلانقیجیندا پروژه لایجه سینده قئید اولونور. پروژه نین اصلی قیسیت لر ده، اونون وسعتی، زامانی، کیفیتی و بودجه سی دیر. ایکینجی مساله ده داها قاباقدان بللی ائدیلن هدف لر اۆچون بوتون قایناقلارین فعالیت لره تخصیص وئرمه گینی اوپتیمیزه ائتمک دیر.

 

1900-جو ایله قدر، عمران موهندیسلیگی پروژه لری عمومیتله یارادیجی معمارلار، موهندیسلر و اوستا بنالار طرفیندن یونه تیلیردی. میثال اۆچون: ویتروویوس(Vitruvius) میلاد دان قاباق بیرینجی یوز ایل.

 

پروژه یونه تیمی نین ایکی بویوک اونچو سو و آتاسی هئنری گانت و هئنری فایول دیر. هئنری گانت پروژه کنترل و پلانلاماق تکنیک لرینین آتاسی آدلاندیریلیب. هئنری گانتین "گانت چارتی"(Gantt Chart) بیر پروژه یونه تیمی آلتی آولاراق چوخ مشهور بیر تکنیک دیر. 

1950-جی ایل موْدرن پروژه یونه تیمی نین چاغینین باشلانقیجی ساییلیر. بو چاغدا پروژه یونه تیمی بللی بیر دیسیپلین له تاینینیب و موهندیسلیک مدل لری ایله بیرلشدی. ایکی ریاضیات اساس لی پروژه زامانلاما مدلی بو ایل لرده گلیشدی: اهمیت لی یول یونتمی (آنادولو تورکجه سی:Kritik Yol Yöntemi, اینگیلیس جه: Critical Path Method) یا قیساجا CPM و برنامه دییرلندیرمه و گوزدن گئچیرمه تئکنیکی(اینگیلیس جه: Program Evaluation and Review Technique) یا قیساجا PERT.

 

 

• باشلاتما
• پلانلاما
• تولید و یئریتمه
• ایزله مه و کنترل
• باغلانیش